The news is by your side.

’جان لینا اس کی بیماری ہے‘

بھارتی فلم ’ایک ولن‘ سیریز کی دوسری فلم ’ایک ولن ریٹرنز‘ کا ٹریلر جاری کردیا گیا۔

بالی ووڈ فلم ’ایک ولن ریٹرنز‘ میں جان ابراہم، دیشا پٹانی، ارجن کپور اور تارا ستاریا مرکزی کردار نبھا رہے ہیں، فلم کی ہدایت کاری کے فرائض موہت سوری نے انجام دیے ہیں۔

فلم کے پروڈیوسرز ایکتا کپور، بھوشن کمار، کرشن کمار اور شوبھا کپور ہیں۔

فلم کے ٹریلر میں سیریز کی پہلی فلم کے ولن کا تذکرہ کرتے ہوئے بتایا گیا ہے کہ ’ایک ولن‘ کی واپسی ہوئی ہے۔

ٹریلر میں بتایا گیا ہے کہ ’آپ لوگوں کو لگا ہوگا کہ ولن کی کہانی ختم ہوگئی پر آٹھ سال بعد ایک ولن واپس آگیا ہے اور جان لینا اس کی بیماری ہے۔‘

فلم کے ٹریلر میں بتایا گیا ہے کہ یہ صرف ان لڑکیوں کو ٹارگٹ کرتا ہے جن کے یکطرفہ عاشق ہوں اور یہ دل ٹوٹے عاشقوں کا مسیحا بننا چاہتا ہے۔‘

ٹریلر میں جان ابراہم اور ارجن کپور ایک دوسرے کو ولن قرار دے رہے ہیں لیکن ٹریلر کے اختتام تک یہ معلوم نہیں ہوسکا ہے کہ ولن کون ہے؟ تاہم اس کا پتا فلم دیکھنے کے بعد ہی لگایا جاسکتا ہے کہ ولن کون ہے؟

فلم ایک ولن ریٹرنز 29 جولائی کو بڑے پردے پر ریلیز کی جائے گی۔

مداحوں کی جانب سے جان ابراہم اور دیشا پٹانی پر فلمائے گانے ’میں نے تیرا نام دل رکھ دیا‘ کو بھی پسند کیا جارہا ہے۔

Comments

یہ بھی پڑھیں