The news is by your side.

Advertisement

ملالہ کی زندگی پر بننے والی فلم کی پہلی جھلک منظر عام پر آگئی

ممبئی: قوم کی بہادر بیٹی اور فخر پاکستان ملالہ یوسفزئی کی زندگی پر بننے والی بالی ووڈ فلم کی پہلی جھلک منظر عام پر آگئی۔

تفصیلات کے مطابق دنیا بھر میں ملک کا نام روشن کرنے والی قوم کی بیٹی ملالہ یوسفزئی کی زندگی پر بننے والی فلم ’گل مکئی‘ کی پہلی جھلک منظر عام پر آگئی، یہ بالی ووڈ فلم امجد خان کی ہدایت کاری میں بنائی جارہی ہے۔

فلم کے ہدایت کار امجد خان کافی عرصے سے ملالہ کے کردار کے لیے اچھی اداکارہ کی تلاش میں تھے، اور ریم شیخ کے معصومانہ چہرے اور جاندار اداکاری نے ان کی توجہ حاصل کی جس کے بعد ریم شیخ کو فلم کے لیے کاسٹ کیا گیا۔


ملالہ یوسف زئی کیلئے اقوام متحدہ کا بڑا اعزاز


اس فلم میں ملالہ یوسفزئی کے وادی سوات سے دنیا کی کم عمر ترین نوبیل انعام یافتہ شخصیت بننے کے سفر کو بیان کرتے ہوئے ان کی قربانیوں پر بھی نظر ڈالی جائے گی۔

واضح رہے کہ نو اکتوبر 2012 کو دہشتگردوں نے اسکول وین میں بیٹھی ملالہ پر قاتلانہ حملہ کیا تھا، حملے میں ملالہ یوسفزئی کو سر پر ایک گولی لگی تھی، جس کے بعد ملالہ کو علاج کے لیے برطانیہ منتقل کیا گیا تھا۔


کینیڈاکاملالہ یوسفزئی کواعزازی شہریت دینےکااعلان


یاد رہے کہ سال 2014 میں بچوں کی تعلیم کے لیے جدوجہد کرنے والی پاکستانی طالبہ ملالہ یوسفزئی اور چائلڈ لیبر کے خلاف جنگ کرنے والے بھارتی سماجی کارکن کیلاش ستیارتھی کو مشترکہ طورپر امن کے نوبل ایوارڈ سے نوازا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں