site
stats
انٹرٹینمںٹ

بیماریوں سے جنگ لڑنے والے بالی ووڈ ستارے

بالی ووڈ کی چکا چوند زندگی ہر انسان کو اپنے سحر میں جکڑے ہوئے ہے لیکن گلیمرسے بھرپور زندگی میں کئی مشکلات بھی ہیں، بالی ووڈ کی چند نامور شخصیات کئی عرصے سے مختلف بیماریوں سے مقابلہ کررہی ہیں۔

امیتابھ بچن

amitabh

بھارتی فلم انڈسٹری کے میگا اسٹار امیتابھ بچن کئی دہائیوں سے بالی ووڈ پر راج کررہے ہیں۔انہوں نے اپنی جوانی سے اب تک بالی ووڈ کو کئی کامیاب فلمیں دی ہیں جنہوں نے باکس آفس پربزنس کے کئی ریکارڈ توڑے,میگا اسٹار امیتابھ بچن کو ایک ساتھ کئی بیماریوں نے گھیرا ہواہے,سپر اسٹار 3 دہائیوں سے جگر کے عارضے اوربے خوابی کی بیماریوں کا شکار ہیں جب کہ ان کے پیٹ کا آپریشن بھی کیا جاچکا ہے۔

سلمان خان

salman

بھارتی فلمی صنعت کے دبنگ اسٹار سلمان خان اپنی فٹنس اور جانداراداکاری کے باعث پہچانے جاتے ہیں, بالی ووڈ اسٹاربھی 8 سال سے اعصابی درد کی بیماری میں مبتلا ہیں،اس بیماری میں مبتلا شخص کے چہرے پر شدید درد ہوتا جب کہ یہ درد بغیر کسی وجہ کے کسی بھی وقت ہوسکتا ہے، بالی ووڈ کے دبنگ خان اپنی فلم’’پارٹنر‘‘ کی شوٹنگ کے دوران اس بیماری میں مبتلا ہوئے تھے۔

شاہ رخ خان

shahrukh

بھارتی فلم انڈسٹری کے کنگ شاہ رخ خان بالی ووڈ کی پہچان ہیں، اپنے فلمی کیرئیرکے دوران بالی ووڈ کو متعدد بلاک بسٹر فلمیں دینے والے شاہ رخ خان بھی مسلسل کندھے کی تکلیف کا شکار رہے ہیں۔ ماضی میں ان کے کندھے کے 8 آپریشن کیے جاچکے ہیں جب کہ گذشتہ دنوں گھٹنے کا بھی آپریشن کیا گیا ہے۔بالی ووڈ اسٹار ڈپریشن کے عارضے میں بھی مبتلا تھے لیکن انہوں نے اس بیماری سے بڑی کامیابی کے ساتھ جان چھڑائی ۔

منیشا کوئرالا

manisha

بالی ووڈ کی ادکارہ منیشا کوئرالا زندگی کی 42بہاریں دیکھ چکی ہیں۔ با لی ووڈ کو کئی سپر ہٹ فلمیں دینے والی ادکارہ 2012 میں کینسر کے مرض میں مبتلا ہوگئیں تھیں اور اس خطرناک بیماری میں مبتلا ہونے کے بعد انہوں نے ہمت نہیں ہاری اور ڈیڑھ برس تک امریکا میں کینسرکا علاج کرایا، بالی ووڈ ادکارہ نے کینسرکے خلاف انتہائی مشکل جنگ لڑتے ہوئے اپنی بیماری کو شکست دی۔

دپیکا پڈوکون

deepka

بالی ووڈ کی سپر اسٹاردپیکا پڈوکون کا شماربھارتی فلم انڈسٹری کی صف اول کی اداکارہ میں ہوتاہے، اداکارہ ڈپریشن کی بیماری میں مبتلا ہونے کا خود انکشاف کیا ، ان کا کہنا تھا کہ ڈپریشن کی وجہ سے ان کے لئے کام پر توجہ دینا مشکل ہو رہا تھا اور وہ اکثر رونے لگتی تھیں۔ کئی عرصے تک علاج کے بعد دپیکاپڈوکون نے اس بیماری پر قابو پایا ۔

لیزا رائے

liza

بالی ووڈ کی فلم ’’قصور‘‘ سے بھارتی فلم انڈسٹری میں انٹری دینے والی کینیڈین نژاد اداکارہ لیزارائے کو 2009 میں ہڈیوں کے گودے کےکینسر کا مرض لاحق ہوا۔ اداکارہ کو لاحق مرض میں خون کے سفید خلیے کم ہونا شروع ہوجاتے ہیں۔ لیزا رائے نے 10 ماہ علاج کے بعد کینسر سے چھٹکارے کا اعلان کیا تھا تاہم کینسر نے انہیں دوبارہ آگھیراجس کے بعد وہ مسلسل بیماری سے لڑائی لڑررہی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top