The news is by your side.

Advertisement

دنیا کا تیز ترین ایتھلیٹ اب فٹبال کے میدان میں قسمت آزمائے گا

کینبرا: دنیا کے تیز ترین ایتھلیٹ یوسین بولٹ اب فٹبال کے میدان میں قسمت آزمائیں گے، جس کے لیے انہوں نے تیاریاں شروع کردیں۔

تفصیلات کے مطابق جمیکا سے تعلق رکھنے والے دنیا کے تیز ترین ایتھلیٹ یوسین بولٹ اب دکھائے گا فٹبال کی دنیا میں اپنی مہارت، ٹریک پر چیتے کی رفتار سے دوڑنے والا اب فٹبال کے میدان میں سب کو حیران کرے گا۔

دنیا کے تیز ترین انسان یوسین بولٹ نے آسٹریلیا میں بطور پروفیشنل فٹبالر کیرئیر شروع کرنے پر نظریں جما لیں ہیں، جبکہ بولٹ نے آئندہ ماہ شیڈول ٹرائلز میں شرکت کی تیاری بھی تیز کر دی ہیں۔

قبل ازیں یوسین بولٹ چیرٹی میچ میں بھی فٹبال کی صلاحیتیں دکھا چکے ہیں، دوسری جانب آسٹریلوی فٹبال حکام نے بھی جمیکن ایتھلیٹ کی آمد کو خوش آئند قرار دیا ہے۔


یوسین بولٹ آسٹریلوی ٹیم کے کوچ مقرر، کھلاڑیوں کو دوڑنا سکھائیں گے


خیال رہے کہ دنیا کے سب سے زیادہ تیز رفتار شخص نے ریٹائرمنٹ کے بعد کی زندگی کے بارے میں پہلے ہی سوچ رکھا تھا کہ وہ مستقبل میں فٹبال کھیلیں گے۔

یاد رہے کہ بولٹ نے 19 عالمی ٹائٹلز اپنے نام کئے مگر لندن میں ہونے والی ورلڈ چیمپئن شپ کے سیمی فائنل میں یوسین بولٹ تیسرے نمبر پر آئے تھے۔

واضح رہے کہ ریکارڈ ہولڈر رنر یوسین بولٹ اپنے رننگ کیریئر کے دوران بھی فٹبال اور کرکٹ کھیلنے میں خاص دلچسپی دکھا چکے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں