کوئٹہ: بلوچستان پولیس کے نے اپنے محکمے میں اصلاحات کے لیے پولیس کاپنجاب سیف سٹی اتھارٹی سےمددلینےکافیصلہ کرلیا۔
تفصیلات کے مطابق پنجاب سیف سٹی پراجیکٹ اتھارٹی کے چیف آپریٹنگ آفیسر اکبر ناصر خان نے کوئٹہ کا دورہ کیا۔ اس موقع پر انہوں نے کوئٹہ میں سیف سٹی اتھارٹی کی پراجیکٹ سائٹ کا بھی معائنہ کیا۔
اکبر ناصر خان نے اپنے اس دورے میں آئی جی بلوچستان معظم انصار ی اور سی سی پی او محمد زبیر سے ملاقات کی۔ ملاقاتوں میں طے پایا کہ پنجاب سیف سٹی اتھارٹی صوبے کے مانیٹرنگ سسٹم اور کمپلینٹ مینجمنٹ سسٹم کی تشکیل میں بلوچستان پولیس کی معاونت کرے گی ۔
آئی جی بلوچستان نے 2 ماہ میں دونوں منصوبےمکمل کرنے کی سفارش کی ، پکار15کوبلوچستان تک پھیلانےکے لیے دونوں صوبائی حکومتیں باضابطہ معاہدہ کریں گی۔
اس موقع پر اکبر ناصر خان کا کہنا تھا کہ آئی جی پنجاب کی ہدایت پر بلوچستان پولیس کو معاونت فراہم کی جارہی ہے۔ پنجاب سیف سٹی اتھارٹی بلوچستان پولیس کو ہر ممکن تکنیکی وتربیتی معاونت فراہم کرے گی۔
یاد رہے کہ اس سے قبل خیبر پختونخواہ پولیس نے بھی پنجاب سیف سٹی اتھارٹی سے مدد لینے کافیصلہ کیا تھا، جس کے تحت پشاور کے مرکزی مقامات کی نگرانی سے لے کر شہر کی مانیٹرنگ اور شکایات کے نظام کو بہتر بنانے میں پنجاب سیف سٹی اتھارٹی خیبر پختونخواہ کی مدد کرے گی۔
