The news is by your side.

Advertisement

امریکا میں اسکولوں کو بارودی مواد سے اڑانے کی دھمکی

امریکی ریاست واشنگٹن ڈی سی میں اسکولوں کو بارودی مواد سے اڑانے کی دھمکی کے بعد افرا تفری مچ گئی۔

غیر ملکی میڈیا رپورٹ کے مطابق واشنگٹن ڈی سی میں 8 اسکولوں کو بارودی مواد سے تباہ کرنے کی دھمکی سامنے آنے کے بعد پولیس کی دوڑیں لگ گئی۔

واشنگٹن پولیس نے اپنے بیان میں کہا کہ دارالحکومت میں اسکولوں کو تباہ کرنے کی دھمکی موصول ہوئی جس کے بعد اسکولوں کو فوری طور پر خالی کرا لیا گیا۔

پولیس کے مطابق اسکولوں کو کلیئر قرار دے دیا گیا ہے جبکہ دھمکی سے متعلق مزید تحقیقات کر رہے ہیں۔

دوسری جانب امریکا کی نائب صدر کملا ہیرس کے شوہر اسکول کے دورے کے دوران بم کی دھمکی کے بعد وہاں سے نکل گئے۔

پولیس کے مطابق کملا ہیرس کے شوہر کو واشنگٹن کے ایک ہائی اسکول کے دورے کے دوران وہاں سے نکالا گیا جب اسکول کو بم سے اڑانے کی دھمکی دی گئی۔

پولیس کا کہنا ہے کہ فیڈرل ایجنسیوں کی مدد طلب کرلی ہے۔

ڈی سی پبلک اسکولوں کے چانسلر نے اپنے بیان میں کہا کہ ”یہ پرشان کن واقعہ ہے، ایسے واقعات کو ہم سنجیدگی سے لیتے ہیں۔“

Comments

یہ بھی پڑھیں