لاہور : بگ بک کے ڈائریکٹر اویس اختر بٹ نے کہا ہے کہ بگ بیڈ وولف بک سیل 19 اپریل سے ایکسپو سینٹر لاہور میں منعقد ہوگی اور یہ پاکستان میں تاریخ کا سب سے بڑا کتب میلہ ہوگا۔
ان خیالات کا اظہار انہوں نے لاہور میں پریس کانفرنس سے خطاب کرتے ہوئے کیا، اویس اختر بٹ نے کہا کہ بگ بیڈ وولف بک سیل 24 گھنٹے جاری رہے گی اور 29 اپریل کو اس کا اختتام ہوگا۔
انہوں نے کہا کہ بگ بیڈ وولف بک سیل کا مقصد کم قیمت کے ساتھ نئی کتابوں کے ذریعے مطالعہ کے رجحان کو فروغ دینا ہے اور انگریزی زبان میں اعلیٰ معیار کی کتابوں کی اس نمائش سے تعلیم یافتہ طبقے کی سوچ کو پروان چڑھانے اور پاکستان کی مستقبل کی نسلوں کو پروان چڑھانے میں مدد ملے گی۔
انہوں نے مزید کہا کہ اس قبل بگ بیڈ وولف بک سیل دبئی، جکارتا ، منیلہ ،کولمبو ، بنکاک اور تائی پے سمیت مختلف ممالک میں منعقد ہوچکی ہے اور ایک چھت تلے آرٹ ، فیشن ، کک بکس ، ناولز ، کرائمز ، رومانس اور دیگر شعبوں کی کتب حاصل ہو سکیں گی۔
