The news is by your side.

Advertisement

’چین اور بھارت کے درمیان سرحدی کشیدگی میں کمی آئی ہے‘

بیجنگ: چینی وزارت خارجہ نے کہا ہے کہ چین اور بھارت کے درمیان سرحد پر کشیدگی میں کمی آئی ہے، فریقین میں بات چیت کا نیا سلسلہ بھی شروع ہوگا۔

تفصیلات کے مطابق اپنے ایک بیان میں چینی وزارت خارجہ کا کہنا تھا کہ چین اور بھارت میں کمانڈر سطح کے مذاکرات کا نیا دور ہوگا جس میں حالیہ کشیدگی کے خاتمے سمیت دیگر امور پر بھی تبادلہ خیال کیا جائے گا۔

چین نے مزید کہا کہ فریقین کے درمیان سرحدی مسائل، مشاورت اور کورآڈینیشن پربات ہوگی۔

لداخ :سرحدی خلاف وزری پر چینی فورسز کا کرارا جواب، بھارتی کرنل سمیت 2 فوجی ہلاک

یاد رہے 16 جون کو چینی فورسز سے جھڑپ میں بھارتی فوج کے کرنل سمیت 2فوجی ہلاک ہوگئے تھے۔ قبل ازیں دونوں ممالک کی افواج ایک دوسرے کے آمنے سامنے آگئی تھیں اور چین نےلداخ ریجن میں بھارت کو عبرت ناک شکست دے کر علاقے کا کنٹرول حاصل کرلیا تھا،جس کے بعد مودی سرکار نے چین کے معاملے پر خاموشی اختیار کرلی تھی۔

بھارت نے رواں سال کشمیر کی خصوصی حیثیت کو ختم کرنے کے بعد لداخ کے متنازع علاقے کے ساتھ بھی کھیلنے کی کوشش کی تھی جس پر چین نے بھارت کو منہ توڑ جواب دیا اور سکم بارڈر پر مزید فوجی تعینات کردیئے تھے۔

Comments

یہ بھی پڑھیں