تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

جان بچانے پر این ایچ ایس کامقروض ہوں ، برطانوی وزیراعظم

لندن : برطانوی وزیراعظم بورس جانسن کا کہنا ہے کہ جان بچانےپراین ایچ ایس کامقروض ہوں، لاکھوں برطانوی افرادکی گھرمیں رہنے کی کوششیں قابل قدر ہیں۔

تفصیلات کے مطابق برطانوی وزیراعظم نے اسپتال سےڈسچارج ہونےکےبعد اپنے پہلے پیغام میں کہا کہ جان بچانے پر این ایچ ایس کا مقروض ہوں، این ایچ ایس سےاظہارتشکر کیلئے الفاظ تلاش کرنا مشکل ہے۔

بورس جانسن کا کہنا تھا کہ لاکھوں برطانوی افرادکی گھرمیں رہنےکی کوششیں قابل قدرہیں، ماضی کی طرح اس باربھی چیلنج پرقابوپالیں گے۔

خیال رہے برطانوی وزیراعظم کو اسپتال سے چھٹی دے دی گئی، جس کے بعد وہ کنٹری ہاؤس میں چودہ روز تک قیام کریں گے اور وہاں اُن کی دیکھ بھال بکنگھم شائر کنٹری ہاؤس میں جاری رہے گی۔

یاد رہے کہ برطانوی وزیراعظم کرونا وائرس سے متاثر ہوئے تھے جس کے بعد انہوں نے خود کو گھر تک محدود کرلیا تھا اور ویڈیو لنک کے ذریعے ہی حکومتی معاملات چلا رہے تھے۔

بعد ازاں طبیعت خراب ہونے پر بورس جانسن کو لندن کے اسپتال میں داخل کرایا گیا ،جہاں ڈاکٹرز نے انہیں انتہائی نگہداشت وارڈ میں منتقل کردیا تھا۔

خیال رہے برطانوی وزیراعظم نے اپنے ویڈیو پیغام میں طبی عملے کا شکریہ ادا کیا اور انہوں نے تمام ڈاکٹرز ، پیرامیڈیکل اسٹاف کو ہیرو قرار دیتے ہوئے اُن کی تعریف بھی کی تھی۔

Comments

- Advertisement -