سرائیوو : دونوں ہاتھوں سے محروم بوسنیا کے ننھے تیراک اسماعیل زولفیک نے کروشیا کے سوئمنگ مقابلے میں گولڈ میڈل حاصل کر لیا۔
تفصیلات کے مطابق چھ سالہ اسماعیل کے دونوں بازو محروم لیکن تیراکی کے شوقین ہیں، عزم و ہمت اور جیت کا جذبہ لئے دونوں ہاتھوں سے محروم بوسنیا کے چھ سالہ اسماعیل زولیفک نے معذوری کو مات دیتے ہوئے سوئمنگ مقابلے میں بھی سب کو ہرا کر گولڈ میڈل حاصل کر لیا۔
والدین کے وہم وگمان میں بھی نہ تھا کہ پانی سے خوف کھانے والا بچہ سائیکو تھراپی کی کلاس لینا شروع کرے گا تو گولڈ میڈل حاصل کر لے گا۔
اسماعیل نے بھرپور کوشش کی اور چھ سالہ ننھے تیراک کی محنت رنگ لے آئی۔
اسماعیل کے والد کا کہنا ہے کہ جو خوشی ان کے بیٹے نے دی ہے وہ دنیا کی کوئی دولت نہیں دے سکتی۔
خیال رہے کہ چھ سالہ اسماعیل زولفیک پیدائش کے وقت ہی سے اپنے دونوں بازوؤں سے محروم تھا، وہ بوسنیا ہیرسے گووینا کے دارالحکومت سرائیوو میں واقع ایک سوئمنگ کلب میں تربیت حاصل کر رہا ہے۔
اسماعیل زولفیک کا خواب ہے کہ وہ پیرا لمپک مقابلوں میں شرکت کرے۔