The news is by your side.

Advertisement

کیا آپ نے گلابی ڈولفن دیکھی ہے؟

ڈولفن دریاؤں میں رہنے والی نہایت معصوم سی مچھلی ہے لیکن کیا آپ نے کبھی گلابی ڈولفن دیکھی ہے؟

دنیا کے سب سے بڑے برساتی جنگل ایمازون کے پانیوں میں ایک نہایت انوکھی ڈولفن پائی جاتی ہے جس کا رنگ گلابی ہوتا ہے۔

ایمازون کے جنگلات کا سلسلہ برازیل کے علاوہ پیرو، کولمبیا اور دیگر جنوبی امریکی ممالک تک پھیلا ہوا ہے۔ رین فاریسٹ کی خاصیت رکھنے والے یہ جنگل یعنی جہاں بارشیں سب سے زیادہ ہوتی ہیں، دنیا میں موجود برساتی جنگلات کا 60 فیصد حصہ ہیں۔

یہاں پائی جانے والی گلابی ڈولفن زمین پر پائی جانے والی میٹھے پانی کی طویل ترین ڈولفن بھی ہے۔

پانی کے اندر مختلف اقسام کے پودوں کی بہتات کی وجہ سے پانی کا رنگ ہلکا بھورا ہوچکا ہے جس کے باعث زیر آب شکار ڈھونڈنا ایک مشکل کام ہے۔

تاہم یہ ڈولفن ایک خاص تکنیک کے ذریعے اپنا شکار ڈھونڈتی ہے۔ یہ پانی کی لہروں کی آواز سے شکار کی نقل و حرکت کا اندازہ لگاتی ہے اور اس پر جھپٹتی ہے۔

ان کی یہ صلاحیت اس قدر تیز ہوتی ہے کہ یہ کئی گز کے فاصلے سے کسی شے کے حجم اور شکل کو صرف آواز کی مدد سے شناخت کرلیتی ہیں۔

Comments

comments

یہ بھی پڑھیں