پاکستانی نژادبرطانوی باکسرعامرخان نےطلاق کیلئےکیس دائرکردیا -
The news is by your side.

Advertisement

پاکستانی نژادبرطانوی باکسرعامرخان نےطلاق کیلئےکیس دائرکردیا

لندن : پاکستانی نژاد برطانوی باکسرعامرخان نے طلاق کیلئے کیس دائرکردیا اور کہا کہ فریال کی دوبارہ ماں بننے کی خبر سوشل میڈیا سے ملی۔

تفصیلات کے مطابق باکسرعامرخان اور اہلیہ فریال مخدوم کے درمیان صلح کی کوششیں ناکام ہوگئیں ، سوشل میڈیا کی ویب سائٹ اسناپ چیٹ پر اپنے ویڈیو پیغام میں عامر خان نے کہا کہ وہ اور فریال اب ساتھ نہیں رہ سکتے، میں نے طلاق کیلئے کیس دائرکردیا ہے۔

فریال مخدوم کے نئے دعوے پر عامر خان نے کہا سنا ہے فریال دوبارہ ماں بننے والی ہیں، یہ بات انہیں سوشل میڈیا سے ہی پتا چلی لیکن انہیں فریال نے نہیں بتایا۔

عامر خان نے دل گرفتگی سے کہا کہ ان کے بچے سب کچھ ہیں، پتا نہیں دوبارہ ماں بننے کی خبر سچ ہے یا جھوٹ ۔اگر یہ سچ ہے تو وہ ہمیشہ دونوں بچوں کا خیال رکھیں گے۔

انھوں نے مزید کہا کہ  میں نہیں چاہتا کہ میرے بچوں ہمیں لڑتا ہوا دیکھیں کیونکہ یہ بچوں کے لئے اچھا نہیں ہے اور اب ہم سرکاری طور پر ایک ساتھ نہیں ہیں ۔

https://youtu.be/L5wY2bViwsg

یاد رہے چند روز قبل باکسرعامرخان کی اہلیہ فریال مخدوم نے ٹوئٹر پر اپنے پیغام میں کہا تھا ہے کہ وہ وہ دوسرے بچے کی ماں بننے والی ہیں۔


مزید پڑھیں : پاکستانی نژاد برطانوی باکسر عامر خان اور بیوی کی راہیں‌ جدا


واضح رہے رواں سال اگست میں سماجی رابطے کی ویب سائٹ ٹوئٹر پر باکسر عامر خان نے کہا تھا کہ ’’فریال اور میں نے علیحدہ زندگی گزارنے کا فیصلہ کرلیا ہے، میں دبئی میں ہوں اور فریال کے لیے نیک خواہشات کا اظہار کرتا ہوں۔

خیال رہے کہ  عالمی شہرت یافتہ باکسر عامر خان نے 2013 میں پاکستانی نژاد امریکی خاتون فریال مخدوم خان کے ساتھ شادی کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں