مانچسٹر : پاکستانی نژاد برطانوی باکسر عامر خان نے قومی ٹیم کو فٹنس بہتر کرنے کیلئے مددکی پیش کش کرتے ہوئے کہا فکرکی بات نہیں پاکستانی ٹیم کی شکست کا بدلہ میں لوں گا۔
تفصیلات کے مطابق پاکستانی نژاد برطانوی باکسر عامر خان نے سماجی رابطے کی ویب سائٹ ٹوئٹر پر پاکستانی ٹیم کی بھارت کے ہاتھوں شکست پر کہا میں پاکستان کرکٹ ٹیم کی مدد کرنا چاہوں گا، کھلاڑیوں کو فٹ اور مضبوط رہنے کے لیے مشورہ دینا چاہوں گا اور انہیں یہ بھی بتاؤں گا کہ فوڈ، ڈائٹ اور ٹریننگ میں ڈسپلن کیسے رہا جاتا ہے۔
عامر خان کا کہنا تھا پاکستان کرکٹ ٹیم میں ٹیلنٹ ہے مگر کھلاڑیوں اسٹیمنا اور کنڈیشن پر توجہ کو بہتر بنانے کی ضرورت ہے۔
Would love to help Pakistan cricket team with some advise on how to stay fit and strong. How to be disciplined on food, diet and training. The team has talent but need to improve on Strength & conditioning and focus @TheRealPCB pic.twitter.com/GEUplrqdpP
— Amir Khan (@amirkingkhan) June 17, 2019
انھوں نے مزید کہا فکرکی بات نہیں، پاکستانی ٹیم کی شکست کا بدلہ میں لوں گا، بارہ جولائی کو بھارتی باکسر کو ہراکر حساب چکادیں گے۔
یاد رہے ورلڈ کپ 2019 کے 22ویں میچ میں بھارت نے پاکستان کو 89 رنز سے شکست دی تھی، جس کے بعد پاکستان کی مایوس کن کارکردگی پرسوالات اٹھ گئے ہیں۔