پاکستان کے ہر ضلع میں باکسنگ جم بنائیں گے، باکسر عامر خان boxer amir khan
The news is by your side.

Advertisement

پاکستان کے ہر ضلع میں باکسنگ جم بنائیں گے، باکسر عامر خان

لاہور: پاکستانی نژاد برطانوی باکسر عامر خان نے کہا ہے کہ باکسنگ فیڈریشن کو مدد چاہئے تو حاضر ہیں، پاکستان کے ہر ضلع میں باکسنگ جم بنائیں گے۔

ان خیالات کا اظہار انہوں نے صوبائی وزیر کھیل جہانگیر خانزادہ کے ہمراہ میڈیا سے گفتگو کرتے ہوئے کیا، باکسر عامر خان نے کہا کہ پاکستان میں اکیڈمیاں کھولنا میرا خواب ہے، کیوبا کی طرح پاکستان میں ہر جگہ باکسنگ جم ہونے چاہئیں۔

انہوں نے کہا کہ چاہتا ہوں پاکستان سے اولمپک اور ہیوی ویٹ چیمپئن بنے، پاکستان میں باکسنگ کا بہت ٹیلنٹ موجود ہے، میری اکیڈمی تمام باکسرز کے لیے کھلی ہے، ورلڈ ٹائٹل کے لیے لڑنا چاہتا ہوں۔

واضح رہے کہ پاکستانی نژاد برطانوی باکسر عامر خان گزشتہ روز پنجاب باکسنگ چیمپئن شپ میں شرکت کے لیے لاہور پہنچے تھے، جہاں پنجاب اسپورٹس بورڈ کے چیئرمین عامر جان اور ڈائریکٹر محمد انیس نے ان کا استقبال کیا تھا۔

باکسر عامر خان نے لاہور پہنچنے کے بعد جہاز میں لی گئی ایک تصویر بھی ٹویئٹر پر شیئر کی تھی جس میں ان کے ساتھ اہلیہ فریال مخدوم بھی موجود ہیں۔

مزید پڑھیں: باکسر عامر خان کے ہاں ننھی پری کی آمد

خیال رہے کہ گزشتہ ماہ عامر خان اور فریال مخدوم کے ہاں ننھی پری کی آمد ہوئی تھی جس کا نام علینا خان رکھا گیا ہے۔

یاد رہے کہ باکسر عامر خان نے دو سال بعد رنگ میں اترنے کے بعد ویلٹر ویٹ کیٹگری کے مقابلے میں حریف باکسر فل لو کریگو کو پہلے ہی راؤنڈ میں صرف 40 سیکنڈ میں ناک آؤٹ کردیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں