بختاور بھٹو کا مکا پاور فل اور آصفہ کے مکے تیز رفتار ہیں، باکسر عامر خان amir-khan
The news is by your side.

Advertisement

بختاور بھٹو کا مکا پاور فل اور آصفہ کے مکے تیز رفتار ہیں، باکسر عامر خان

میر پور : معروف باکسر عامر خان نے کہا ہے کہ بختاور بھٹو کا مکا پاور فل اور آصفہ بھٹو کے مکے تیز رفتار ہیں دونوں اچھی باکسر بن سکتی ہیں۔

وہ آزاد کشمیر کے علاقے میر پور میں میڈیا سے بات کر رہے تھے انہوں نے کہا کہ بختاور بھٹو میری بیگم کی سہیلی ہے اور بیگم کے ذریعے ہی باکسنگ سیکھنے کی خواہش مجھ تک پہنچی جس کے بعد میں نے دونوں بہنوں کو باکسنگ کی تربیت دینا شروع کی اور مجھے حیرت ہوئی کہ دونوں نہایت باصلاحیت کھلاڑی ہیں۔

ممتاز باکسر کا کہنا تھا کہ آزاد کشمیر میں باکسنک کے فروغ کے لیےٹریننگ سینٹر قائم کریں گے جب کہ اسلام آباد میں باکسنگ اکیڈمی کے لیے ایک لاکھ پاؤنڈ جیب سے خرچ کر رہا ہوں اور پاکستان میں باکسنگ کے فروغ کے لیے ہر ممکن قدم اٹھاؤں گا۔

باکسر عامر خان نے ایک سوال کے جواب میں کہا کہ پاکستان کےعوام کی محبت اوردعائیں میری کامیابی کاسبب بنتی ہیں لیکن باکسنگ کا پچھلا میچ ہاتھ میں آپریشن کی وجہ سے ہارا تھا تاہم آنے والے میچ میں مد مقابل باکسر کو شکست سے دوچار کروں گا۔


*بی بی شہید کی بیٹی آصفہ بھٹو باکسر بن گئیں، ویڈیو منظرعام پر


پاکستانی نژاد برطانوی باکسر عامر خان آزاد کشمیر میں باکسنگ اکیڈمی کے قیام کے سلسلے میں آزاد کشمیر پہنچے تھے قبل ازیں اسلام آباد میں بھی اکیڈمی کے قیام کا جائزہ بھی لیا۔

Comments

comments

یہ بھی پڑھیں