لندن: پاکستانی نژاد برطانوی باکسر عامر خان اور فریال مخدوم کے ہاں ننھی پری کی آمد ہوئی ہے، بیٹی کا نام علینا خان رکھا گیا ہے۔
تفصیلات کے مطابق سماجی رابطے کی ویب سائٹ ٹویٹر پر باکسر عامر خان نے اپنی بیٹی کی تصویر شیئر کی ہے، عامر خان نے کہا ہے کہ میری اور فریال مخدوم کی جانب سے دنیا میں خوش آمدید۔
عامر خان کی نومولود بیٹی کا وزن 8 پاؤنڈ اور تین اونس ہے جبکہ عامر خان کو مداحوں کی جانب سے مبارکباد اور نیک تمناؤں کے پیغامات دئیے جارہے ہیں۔
Welcome to the world. With my and @faryalmakhdoom new born, Weighing 8lbs 3oz ALAYNA KHAN. 👶 pic.twitter.com/CZ4a67yCz8
— Amir Khan (@amirkingkhan) April 24, 2018
عامر خان کے ہاں یہ دوسری بیٹی کی پیدائش ہے اس سے قبل 2014 میں ان کے ہاں ایک بیٹی لمائسا خان کی پیدائش ہوئی تھی، جو اب چار برس کی ہوچکی ہیں۔ عامر خان اور فریال مخدوم 2013 میں رشتہ ازدواج میں منسلک ہوئے تھے۔
مزید پڑھیں: عامرخان نےکینیڈین باکسرکو 40 سیکنڈ میں ناک آؤٹ کردیا
واضح رہے کہ چند روز قبل پاکستانی نژاد برطانوی باکسر عامر خان کی دو سال بعد رنگ میں واپسی ہوئی تھی اور انہوں نے اپنے کینیڈین حریف باکسر گریکو کو محض 39 سیکنڈ میں شکست سے دوچار کیا تھا۔
خیال رہے کہ عامر خان اور فریال مخدوم کے درمیان کچھ عرصہ قبل تعلقات کشیدہ رہے تھے تاہم بعد میں دونوں کے درمیان صلح ہوگئی تھی۔
