باکسر محمدوسیم کےلیے6لاکھ روپےانعام -
The news is by your side.

Advertisement

باکسر محمدوسیم کےلیے6لاکھ روپےانعام

لاہور: این ٹی ڈی سی کی جانب سےورلڈ سلورٹائٹل جیتنے پر باکسر وسیم کو6 لاکھ روپےکا نقدانعام دیاگیا۔

تفصیلات کےمطابق واپڈا ہاؤس میں ورلڈ سلور ٹائٹل جیتنے پر باکسر محمدوسیم کے اعزاز میں این ٹی ڈی سی کی جانب سے تقریب منعقد کی گئی اورانہیں6 لاکھ روپےبطورِانعام دیےگئے۔

اس موقع پر میڈیا سے گفتگو کرتے ہوئے باکسرمحمدوسیم کا کہنا تھا کہ وہ 2004 سے محنت کر رہے تھے،ٹائٹل اس کا پھل ہے۔

باکسرمحدوسیم کا کہناتھاکہ حکومت سرپرستی کرے تو لیاری اور کوئٹہ سمیت پورے ملک میں ٹیلنٹ بہت ہے۔

انہوں نے کہا کہ اگر وہ پاکستانی شہریت چھوڑ دیں تو سپورٹرز اور پروموٹرز بہت ہیں لیکن مرتے دم تک ملک کے لیے کھیلتے رہیں گے۔

میڈیا سے بات کرتے ہوئے باکسنگ کوچ طارق کا کہنا تھا کہ پہلی مرتبہ کسی نے واپڈا اور پاکستان کی طرف سے باکسنگ کا ورلڈ ٹائٹل جیتا ہے۔

انہوں نے کہا کہ کور کمانڈر کوئٹہ عامر ریاض نے باکسنگ کی بھرپور سرپرستی کی ہے،جس پر وہ ان کے مشکور ہیں۔

مزید پڑھیں:پاکستانی باکسر محمدوسیم نےفلپائنی باکسر کو شکست دے دی

یاد رہے کہ گزشتہ ماہ پاکستانی باکسر محمدوسیم نے ورلڈ باکسنگ چیمپئن شپ میں فلپائنی باکسر گیمل مگرامو کو شکست دی تھی۔

مزید پڑھیں:حکومت کی باکسر محمد وسیم کے لیے 3کروڑ کی گرانٹ

واضح رہے کہ وفاقی حکومت کی جانب سے رواں ماہ کے آغاز میں ورلڈ سلور فلائی ویٹ چیمپیئن باکسر محمد وسیم کےلیے وزیراعظم کی منظوری کے بعد3کروڑ روپے کی گرانٹ مختص کی گئی تھی۔

Comments

comments

یہ بھی پڑھیں