The news is by your side.

Advertisement

باکسر محمد وسیم عریبئن سی ٹائٹل فائٹ کو کامیاب کرانے کے لیے میدان میں آگئے

اسلام آباد: باکسر محمد وسیم عریبئن سی ٹائٹل فائٹ کو کامیاب کرانے کے لیے میدان میں آگئے۔

تفصیلات کے مطابق پاکستانی باکسر محمد وسیم عریبئن سی ٹائٹل فائٹ کو کامیاب بنانے کے لیے پاکستان پروفیشنل باکسنگ لیگ سے تعاون کا اعلان کردیا، عریبئن سی ٹائٹل فائٹ 24 نومبر کو اسلام آباد میں ہورہی ہے۔

پی پی بی ایل کا کہنا ہے کہ ایونٹ میں ریجن کے 16 ممالک سے باکسر شریک ہوں گے۔

باکسر محمد وسیم نے کہا کہ 22 نومبر کو دبئی میں ایک اور فلپائنی باکسر سے مقابلہ کروں گا، 24 نومبر کو عریبئن سی ٹائٹل مقابلوں کو دیکھنے کے لیے موجود ہوں گا۔

محمد وسیم نے کہا کہ ٹائٹل کے لیے کوئٹہ سے 3 باکسرز فراہم کروں گا۔

مزید پڑھیں: دبئی، پاکستانی باکسر محمد وسیم نے پروفیشنل باؤٹ جیت لی

انہوں نے کہا کہ کوئٹہ پاکستان میں باکسنگ حب بنتا جارہا ہے، کوئٹہ میں باکسنگ کے چھوٹے بڑے 50 کلبز موجود ہیں۔

واضح رہے کہ 14 ستمبر کو باکسر محمد وسیم نے دبئی میں منعقدہ پروفیشنل باؤٹ جیتی تھی، محمد وسیم نے فلپائنی باکسر کو پہلے ہی راؤنڈ میں ناک آؤٹ کردیا تھا۔

یاد رہے کہ محمد وسیم ایک سال بعد رنگ میں دوبارہ اترے تھے، جیت سے ان کی رینکنگ میں بہتری آئے گی۔

خیال رہے کہ دبئی میں پروفیشنل باؤٹ جیتنے پر وزیراعلیٰ بلوچستان جام کمال نے باکسر محمد وسیم کے لیے پانچ لاکھ روپے انعام کا اعلان کیا تھا۔

Comments

comments

یہ بھی پڑھیں