site
stats
کھیل

واشنگٹن: عظیم باکسرمحمد علی کا جسد خاکی آبائی علاقے لوئی ول کینٹکی پہنچا دیا گیا

واشنگٹن: ماضی کے عظیم باکسرمحمد علی کا جسد خاکی آبائی علاقے لوئی ول کینٹکی پہنچا دیا گیا۔

تفصیلات کے مطابق سابق ورلڈ چیمپئن باکسرمحمد علی کا جسد خاکی آبائی علاقے لوئی ول کینٹکی پہنچا دیا گیا، انکا جسد خاکی خصوصی طیارے کے ذریعے ایری زونا سے لایا گیا، ایئرپورٹ سےانکی میت کو گاڑیوں کےقافلے میں آبائی قصبے لوئی ول لے جایا گیا۔

محمد علی کی آخری رسومات جمعہ دس جون کولوئی ول میں اداکی جائیں گی۔

سابق ہیوی ویٹ چیمپیئن کے ترجمان کا کہنا تھا کہ محمد علی نے درخواست کی تھی کہ ان کی نماز جنازہ اسلامی روایات کے تحت امام کی موجودگی میں ادا کی جائے، عالمی شہرت یافتہ باکسر محمد علی کو کیوو ہل قبرستان میں دفنایا جائے گا.

باکسنگ لیجنڈ محمد علی کو خراج عقیدت پیش کرنے کےلیے ان کے آبائی گاؤں لوئی ول میں سیکڑوں افراد کی محمدعلی سینٹر آمد کا سلسلہ جاری ہے۔ جہاں مداح پھول اور کارڈ رکھ کرانہیں یاد کر رہے ہیں۔

یاد رہے کہ محمد علی تین جون کو ایری زونا میں جہان فانی سے کوچ کرگئے تھے۔

امریکہ کی ریاست کینٹکی سے تعلق رکھنے والے باکسر محمد علی پہلے کیسیئس کلے کے نام سے جانے جاتے تھے لیکن سونی لسٹن کے خلاف 25 فروری سنہ 1954 کو ہونے والے اہم مقابلے کے اگلے ہی دن انھوں نے اعلان کیا کہ وہ اسلام قبول کر رہے ہیں اور اپنا نام بدل کر محمد علی رکھ رہے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top