حاصل پور : 12 سالہ بچے نے کھیل کے دوران جھگڑے پر اپنے ساتھی کو گولی مار کر قتل کردیا۔
تفصیلات کے مطابق پنجاب کے ضلع بہاولپور کے علاقے حاصل پور کے خیرپور ٹامیوالی میں 12 سالہ بچے نے 10 سالہ بچے کو گولی مارکرقتل کردیا۔
پولیس نے بتایا کھیل کےدوران جھگڑا ہوا ، جس پر سہیل نے بلال کوگولی ماردی تاہم اس بات کی تفتیش کی جارہی ہے کہ بچے کے پاس پستول کہاں سے آیا۔
- Advertisement -
واقعے کے بعد اہل علاقہ نے بچے کو پکڑ کر پستول سمیت پولیس کےحوالےکردیا جبکہ پولیس نےبچےکی لاش قبضے میں لے کر پوسٹمارٹم کیلئے اسپتال منتقل کر دیا ہے۔
