The news is by your side.

Advertisement

بھارت: موبائل فون نہ ملنے پر لڑکے کا انتہائی اقدام

تلنگانہ: بھارتی ریاست تلنگانہ کے ایک علاقے میں ایک لڑکے نے والدین کی جانب سے موبائل فون نہ ملنے پر انتہائی قدم اٹھاتے ہوئے جان دے دی۔

بھارتی میڈیا کے مطابق تلنگانہ کے ضلع جگتیالہ کے علاقے کوڈیمیال میں نویں جماعت کے طالب علم رگھو پرساد نے اس وقت خود کشی کر لی جب اس کے والدین انھیں موبائل فون فراہم کرنے میں ناکام رہے۔

پولیس کا کہنا تھا کہ ترمالاپور کے لڑکے رگھو کو آن لائن کلاسز میں شرکت کرنی تھی، جس کے لیے موبائل فون ضروری تھا، تاہم والدین یہ خرید کر نہ دے سکے، جس پر اس نے مایوسی کے عالم میں اپنی زندگی کا خاتمہ کر لیا۔

رپورٹس کے مطابق رگھو کے والدین نے اس سے وعدہ کیا تھا کہ دسہرا میلے کے دوران اسے فون خرید کر دے دیں گے، اس دوران رگھو نے گھر پر پڑا متبادل فون استعمال کیا۔

تاہم دسہرا کے دوران اس کے والدین اپنا وعدہ پورا نہ کر سکے، اس کے کسان والد نے کہا کہ جب روئی کی فصل بکے گی تو وہ فون خرید کر دے دیں گے۔

تاہم رگھو فون کے معاملے پر اتنا مایوس ہو گیا کہ جب گھر پر کوئی نہ تھا تو اس نے انتہائی قدم اٹھاتے ہوئے خود کشی کر لی۔ پولیس نے کیس رجسٹرڈ کر کے مزید تحقیقات شروع کر دی ہے۔

Comments

یہ بھی پڑھیں