کراچی: شہر قائد کے علاقے کلفٹن تین تلوار میں واقع دس منزلہ عمارت کی لفٹ سے گر کر نوجوان جاں بحق ہوگیا۔
اطلاعات کے مطابق نجی ریسٹورنٹ کا رائیڈر سجاد کافی کی ڈلیوری کے لیے تیز رفتاری اختیار کرتا ہوا دس منزلہ عمارت کے فلیٹ نمبر تین سو آٹھ میں داخل ہوا۔ کافی کی ڈلیوری مکمل کرنے کے بعد وہ واپسی کے لیے لفٹ میں داخل ہوا اور قدم رکھا دیا تاہم وہاں لفٹ تھی ہی نہیں نتیجے میں نوجوان دس منزلوں سے نیچے آگرا اور گرتے ہی جاں بحق ہوگیا۔
واقعے کے پانچ گھنٹے بعد سجاد کی لاش اسپتال منتقل کی گئی جہاں ڈاکٹروں نے سجاد کے کئی گھنٹے قبل مرنے کی تصدیق کردی۔
اطلاعات کے مطابق نوجوان کے اس طرح مر نے کی ذمہ داری بلڈنگ انتظامیہ پر عائد ہوتی ہے کہ جب وہاں لفٹ موجود ہی نہیں تھی تو دروازہ لاک کیوں نہ تھا، وہ دروازہ جو لفٹ آنے پر ہی کھلتا ہے ورنہ مقفل رہتا ہے تاکہ کوئی گر نہ سکے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں