The news is by your side.

Advertisement

شارجہ، عمارت سے گر کر 16 سالہ لڑکا جاں بحق

شارجہ: متحدہ عرب امارات کی ریاست شارجہ میں اپارٹمنٹ کی کھڑکی سے گر کر 16 سالہ لڑکا جاں بحق ہوگیا۔

خلیج ٹائمز کی رپورٹ کے مطابق شارجہ میں اپارٹمنٹ کے چوتھے فلور سے گر کر 16 سالہ امارتی لڑکا جاں بحق ہوگیا، پولیس کا کہنا ہے کہ ہوسکتا ہے لڑکے نے خودکشی کی ہے۔

پولیس کے مطابق حادثہ شارجہ کے القاسمیا علاقے میں دوپہر 12 بجکر 45 منٹ پر پیش آیا، 16 سالہ لڑکا گریڈ 11 کا طالب علم تھا۔

شارجہ پولیس نے مقتول کے والدین کو تحقیقات کے لیے حراست میں لے لیا۔

مزید پڑھیں: شارجہ، 6 سالہ بچی عمارت کی تیسری منزل سے گر کر شدید زخمی، اسپتال منتقل

رپورٹ کے مطابق الکویتی اسپتال انتظامیہ کا کہنا ہے کہ حادثے کے نتیجے میں نوجوان کو متعدد چوٹیں آئیں اور خون زیادہ بہہ جانے کی وجہ سے اس کی موت واقع ہوئی۔

مقتول کے دوست کا کہنا ہے کہ وہ بہت اچھا طالب علم تھا، وہ اپنے ساتھی طالب علموں اور اساتذہ سے بہت محبت کرتا تھا۔

یاد رہے کہ عمارت سے گر کر نوجوان کے جاں بحق ہونے کا یہ دوسرا واقعہ ہے اس سے قبل مارچ میں 14 سالہ طالب علم نے فلیٹ کی بالکونی سے چھلانگ لگا کر خودکشی کرلی تھی۔

پولیس تحقیقات میں ثابت ہوا تھا کہ لڑکے کے والدین نے اسے ویڈیو گیم کھیلنے سے روکا تھا جس کی وجہ سے اس نے انتہائی اقدام اٹھایا۔

Comments

comments

یہ بھی پڑھیں