The news is by your side.

Advertisement

والدین کی خوف ناک غفلت، بچہ موت کے منہ میں پہنچ گیا

ویسٹ ورجینیا: امریکی والدین کی غفلت کے باعث ان کا پانچ سالہ بچہ موت کے منہ میں پہنچ گیا، بچہ پڑوسی کی کار کی ڈگی سے نیم بے ہوشی کی حالت میں برآمد ہوا، پولیس نے نوجوان میاں بیوی کو گرفتار کر لیا۔

تفصیلات کے مطابق امریکی ریاست ویسٹ ورجینیا کے علاقے کاٹیج ویلی، بوبو اسٹریٹ میں منگل کو ایک شخص نے اپنی کار فروخت کرنے کے دوران جب کار کی ڈگی کھولی تو چونک اٹھا۔

ڈگی میں پانچ سال کا ایک لڑکا نیم بے ہوشی کی حالت میں پڑا ہوا تھا، اور وہ مشکل ہی سے سانس لے رہا تھا، معلوم ہوا کہ وہ اس کے پڑوسی کا بچہ ہے، بچے کو فوری طور پر طبی امداد کے لیے قریبی اسپتال لے جایا گیا۔

کاؤنٹی شیرف کا کہنا تھا کہ بچے کی حالت تشویش ناک تھی، اس دن درجہ حرارت بھی بہت زیادہ تھا اور وہ کار کی ڈگی کی گرمائش میں پڑا ہوا تھا، کار کے مالک نے جب اسے فروخت کرنے کے لیے ڈگی کھول کر دکھانی چاہی تو اندر پڑوسی کا بچہ پایا۔

حکام نے جب بچے کے والدین کے گھر کی تلاشی لی تو معلوم ہوا کہ 24 سالہ نانٹیل رابرٹس اور 22 سالہ کوری رابرٹس کے تین اور بھی بچے تھے، جن کی عمریں ایک سے پانچ سال تک تھیں، اور وہ گھر میں نہایت بری حالت میں پائے گئے، انھیں کئی دنوں سے نہلایا نہیں گیا تھا اور گندے تھے۔

پولیس بیان کے مطابق گھر کی حالت بھی نہایت خراب تھی، ہر جگہ گندی تھی، فرش پر سڑی خوراک بکھری ہوئی تھی اور تیز بدبو پھیلی ہوئی تھی، بچوں کے گندے ڈائپرز بھی جگہ جگہ بکھرے ہوئے تھے۔

پولیس نے دونوں میاں بیوی کو بچے سے غفلت برتنے اور اس کے نتیجے میں اسے زخمی کرنے کے الزامات میں گرفتار کیا۔

Comments

یہ بھی پڑھیں