نیشنل ڈیٹا بیس اینڈ رجسٹریشن اتھارٹی (نادرا) نے ایک لڑکے کی تین مائیں بنادیں، سنگین غلطی پر خاتون نے نادرا کے خلاف عدالت سے رجوع کرلیا۔
تفصیلات کے مطابق نیشنل ڈیٹا بیس اینڈ رجسٹریشن اتھارٹی کا ایک اور انوکھا کارنامہ سامنے آیا ، نادرا نے ایک لڑکے کی تین مائیں بنادیں۔
نادرا کےعملے کی مبینہ غفلت کے باعث کراچی کے رہائشی ایک نوجوان کے نادار ریکارڈ میں ایک نہیں بلکہ تین تین مائیں ظاہرکی گئی ہیں۔
سنگین غلطی پر خاتون نے نادرا کے خلاف سندھ ہائی کورٹ سے میں درخواست دائرکردی ہے، درخواست گزار کے وکیل نے کہا کہ نادرا ریکارڈ میں سترہ سالہ نوجوان عمر رضا کی تین تین مائیں ہیں۔
درخواست میں کہنا تھا کہ نوجوان عمر رضا کے والدین میں علیحدگی ہوگئی ہے، ایک جگہ دادی ماں ہے، تو دوسری جگہ سوتیلی ماں والدہ ہے۔ نادرا ریکارڈ میں نوجوان کی تین ماؤں کےغلط ریکارڈ کی وجہ سے مستقبل میں مسئلہ ہوسکتا ہے۔
