The news is by your side.

ننھے فنکار نے قدیم ساز پر پسوڑی گانے کی دھن چھیڑ دی، حاضرین دیوانے ہوگئے

سال 2022 کے مقبول ترین گانے پسوڑی کی مقبولیت کم ہونے میں نہیں آرہی، دنیا بھر میں مشہور ہوجانے والے پاکستانی گانے کو ایک بار پھر ایک ننھے بھارتی فنکار نے اپنے انداز میں پیش کیا ہے۔

سوشل میڈیا پر وائرل ہونے والی انسٹاگرام ریل میں دیکھا جاسکتا ہے کہ ایک تقریب میں ایک کم عمر بھارتی فنکار اسٹیج پر بیٹھا ہے، اور کلاسک موسیقی کا ساز وینا بجا رہا ہے۔

شائقین بچے کی مہارت پر حیران ہیں، پھر اچانک وہ ساز پر پسوڑی گانے کی دھن چھیڑ دیتا ہے جس کے بعد حاضرین کا تحسین آمیز شور آسمان چھونے لگتا ہے۔

 

View this post on Instagram

 

A post shared by Sumatindra Korti (@sumatindra_veena)

بچہ نہایت مہارت سے گانے کی دھن ساز پر بجاتا ہے اور اس دوران حاضرین اسے داد دیتے رہتے ہیں۔

یہ ویڈیو سوشل میڈیا پر بے حد وائرل ہوئی اور اسے اب تک 19.6 ملین ویوز اور 2.5 ملین لائیکس مل چکے ہیں۔

کوک اسٹوڈیو سیزن 14 کے پسوڑی گانے کو رواں برس 7 فروری کو ریلیز کیا گیا تھا اور یہ گانا پہلے 24 گھنٹوں میں 10 لاکھ بار دیکھا جانے والا کوک اسٹوڈیو سیزن 14 کا پہلا گانا بنا تھا۔

یوٹیوب پر اس گانے کو 10 کروڑ سے زائد بار سنا جا چکا ہے جبکہ آڈیو اسٹریمنگ سروس اسپاٹی فائی کے گلوبل وائرل 50 گانوں کی فہرست میں یہ تیسرے نمبر پر رہا۔

Comments

یہ بھی پڑھیں