اکثر آپ نے یہ سنا ہوگا کہ ساحل سے ایک بوتل برآمد ہوئی جس میں ایک شخص کے ہاتھ کا کئی سالوں پرانا خط ملا جس میں اُس نے تحریر کے ذریعے کسی خاص شخص کو مخاطب کیا۔
البتہ پہلی بار ایسا ہوا کہ ایک نوجوان کو لکھے گئے خط کا جواب 9 سال بعد ملا۔ امریکی نوجوان نے 21 اگست 2010 کو ایک خط لکھ کر اسے راک پورٹ کے سمندر میں پھینک دیا تھا، یہ بوتل دس اکتوبر 2019 کو فرانس کے ساحل پر ایک فیملی کے ہاتھ لگی۔
امریکی نوجوان کا کہنا ہے کہ جب وہ دس بر کا تھا تب اُس نے بوتل میں ایک اپنے دل کا حال لکھ کر اسے لہروں کے حوالے کیا اور اُسے امید تھی کہ خط کا جواب ضرور آئے گا۔
سماجی رابطے کی ویب سائٹ پر جوابی خط کی تصویر شیئر کرتے ہوئے نوجوان نے لکھا کہ ’میں نے اگست 2010 میں بوتل سمندر کے حوالے کی اور وہ 9 برس تک سمندر میں رہنے کے بعد 10 اکتوبر 2019 کو فرانس کے ساحل پر پہنچی، جو یقیناً حیران کن ہے‘۔
On August 21, 2010 I threw a message in a bottle into the ocean from a beach in Rockport, MA. On October 10, 2019 that letter was found on the beach in France. I am mind blown. 9 years. pic.twitter.com/Af2tEwoQtq
— māx (@VredenburghMax) November 8, 2019
انہوں نے بتایا کہ فرانس کے ساحل پر یہ خط جی گوبوئس نامی شخص کے ہاتھ لگی تو اُس نے جواب تحریر کیا۔