لندن میں نامعلوم شخص کی فائرنگ، دو بچے زخمی boys-aged-13-and-15-shot-in-wealdstone-north-west-london
The news is by your side.

Advertisement

لندن میں نامعلوم شخص کی فائرنگ، بچے زخمی

لندن : لندن کے شمال مغربی علاقے ویلڈ اسٹون مین نامعلوم شخص کی فائرنگ سے دو 13 اور 151 سالہ لڑکے زخمی ہوگئے، پولیس تاحال حملہ آور کا سراغ لگانےمیں ناکام رہی ہے۔

تفصیلات کے مطابق برطانیہ کے دارالحکومت لندن کے شمال مغربی علاقے ویلڈ اسٹون میں نامعلوم شخص نے فائرنگ کرنے دو کم سن نوجوانوں کو زخمی کردیا۔

میٹروپولیٹن پولیس کا کہنا تھا کہ دونوں لڑکوں کو ایک دکان کے باہر گولیوں کا نشانہ بنائے جانے کی اطلاع طبی امداد دینے والے عملے نے سیکیورٹی اداروں کو دی۔ جس کے چند لمحے بعد ہی لندن پولیس نے جائے وقوعہ پر پہنچ کر زخمیوں فوری اسپتال منتقل کردیا۔

پولیس کا کہنا تھا کہ زخمی ہونے والے دونوں لڑکوں کے سر میں گولی لگی ہے جس کے باعث متاثرہ نوجوان اسپتال میں زیر علاج ہیں۔

برطانوی خبر رساں ادارے کو دکان مالک نے بتایا کہ زخمی ہونے والے 15 سالہ لڑکے کے سر میں گولی لگنے کے باعث اس کی جان کو خطرہ لاحق ہے جبکہ 13 سالہ لڑکا خوش قسمت کہ گولی اس کے سر کو چھو کر نکل گئی۔

واقعے عینی شاہد دکان مالک کا کہنا تھا کہ متاثرہ لڑکے نے گولی چلتے ہی سر جھکا لیا تھا، جس کے باعث میں اس لڑکے کا چہرہ نہں دیکھ سکا سب خون سے لت پت شرٹ نظر آئی۔

برطانوی نشریاتی ادارے کا کہنا تھا شمال مغربی لندن میں ہی نیو کروس روڈ کے علاقے میں ایک 22 سالہ نوجوان کو فائرنگ کرکے زخمی کیا گیا تھا جس کی جان اب خطرے سے باہر ہے

غیر ملکی میڈیا کا کہنا تھا کہ سیکیورٹی اداروں نے علاقے کو پولیس سیل کردیا ہے تاکہ واقعے کی تحقیقات کی جاسکے تاہم پولیس کی جانب سے ابھی تک فائرنگ میں ملوث افراد کی گرفتار عمل میں نہیں آئی ہے۔


لندن: نامعلوم افراد کی فائرنگ سے ایک شہری ہلاک، ایک زخمی


یاد رہے کہ گذشتہ ماہ برطانوی حکام نے کہا تھا کہ لندن میں فائرنگ اور چاقو زنی کے واقعات پولیس افسران کی کم نفری کی وجہ سے پیش آرہے ہیں۔ جس کے بعد حکام نے مشرقی لندن میں حالیہ دنوں ہونے والے فائرنگ اور چاقو زنی کے واقعات کے پیش نظرمیٹروپولیٹن پولیس کے مزید 300 افسران کو مذکورہ علاقے میں تعینات کیا تھا تاکہ جرائم پر قابو پایا جاسکے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں