ڈھاکا: بنگلہ دیش پریمیئر لیگ (بی پی ایل) میں ناقص امپائرنگ کی ماضی کی ویڈیو سوشل میڈیا پر وائرل ہوگئی۔
سوشل میڈیا پر بنگلہ دیشی امپائر کی ویڈیو وائرل ہورہی ہے جس میں دیکھا جاسکتا ہے کہ گیند بلے باز نے کھلی لیکن امپائر نے حیران کن طور پر اسے وائیڈ بال قرار دے دیا۔
یہ میچ 2019 میں ڈھاکا ڈائنامائٹس (ڈومینیٹرز) اور کھلنا ٹائٹنز (ٹائیگرز) کے درمیان میرپور میں کھیلا گیا تھا۔
اسپنر مہدی حسن نے آف اسٹمپ پر شاٹ گیند کی جو ان سائیڈ ایج ہوئی لیکن امپائر کو یہ دکھائی نہ دیا اور انہوں نے اسے وائیڈ بال قرار دیا۔
How was this given a wide in Bangladesh Premier League? 😲pic.twitter.com/e85hy9geOr
— Farid Khan (@_FaridKhan) January 9, 2023
فیصلے پر بولر مہدی حسن سمیت دیگر کھلاڑی بھی حیران رہ گئے جب انہوں نے اعتراض کیا گیا تو امپائر کی جانب سے اشارہ کیا گیا کہ نظر کچھ نہیں آیا کیونکہ بولر سامنے آگئے تھے اس کے بعد وکٹ کیپر کی جانب سے بولر کو دوبارہ بولنگ کرنے کا کہا گیا۔
بی پی ایل ہر گزرتے سیزن کے ساتھ امپائرنگ کا معیار بہتر ہونے کی توقع ہونی چاہیے لیکن نویں سیزن میں بھی امپائر کی طرف سے عجیب و غریب فیصلے دیے گئے۔
فارچون باریشال کے شکیب الحسن ایونٹ کے چار میچ میں امپائر کے ساتھ الجھتے دکھائی دیے۔