The news is by your side.

Advertisement

بریو پاکستان کے تحت مکسڈ مارشل آرٹس کے مقابلوں کا آغاز، شائقین میں جوش و خروش

لاہور: بریو پاکستان کے تحت مکسڈ ماشل آرٹس کے مقابلے شروع ہو گئے، لاہور میں رِنگ سج گیا جہاں رفتار، طاقت اور تکنیک کی جنگ جوش و خروش سے جاری ہے۔

تفصیلات کے مطابق لاہور میں بریو پاکستان کے تحت مکسڈ مارشل آرٹس ایونٹ کا آغاز جوش و خروش کے ساتھ ہو گیا ہے، مقابلوں میں پاکستان سمیت 11 ملکوں کے فائٹرز نے حصہ لیا، مجموعی طورپر 20 فائٹرز کے درمیان 10 مقابلے ہوئے۔

مکسڈ مارشل آرٹس کے مقابلے کرانے پر سلمان اقبال اور اے آر وائی نیٹ ورک مبارک باد کے مستحق ہیں: علیم خان

ایونٹ میں پاکستان سمیت دنیا بھر کے بہترین فائٹرز ایکشن میں ہیں، پاکستان میں پہلی بار مکسڈ مارشل آرٹس کے مقابلے اے آر وائی کے چیف ایگزیکٹو آفیسر سلمان اقبال کی کاوشوں سے ہو رہے ہیں۔

ایم ایم اے فائٹس کی پہلی فائٹ میں عباس نے سکندر بدر کو 14 سیکنڈ میں ناک آؤٹ کر دیا، دوسری فائٹ میں پاکستان کے نجم نے افغانستان کے وسیم کو ہرایا، پاکستان کے حیدر سلمان نے فلپائن کے ایریل کو دوسرے راؤنڈ میں شکست دے دی۔

چوتھی فائٹ میں نیوزی لینڈ کے جان بریون نے مصر کے احمد کو شکست دی، پانچویں فائٹ میں چین کے یی بگلی نے پاکستان کے ضیا مشوانی کو ہرایا، چھٹی فائٹ میں ویلز کے ایڈن جیمز نے جنوبی افریقہ کے فرانس میمبو کو ہرا دیا۔ ساتویں فائٹ میں پاکستان کے محمود رضا نے فلپائن کے اربن اسکائیو کو شکست دی۔

آٹھویں فائٹ میں جنوبی افریقہ کے جے پی بائز نے فتح حاصل کر لی، گامزٹ میگوم دوف کو 3 غیر قانونی اسٹرائیکس کر نے پر ڈس کوالیفائی کر دیا گیا، نویں فائٹ میں فلپائن کے جرمی پیکا ٹیو نے پاکستان کے کریم کو شکست دی۔ دسویں اور آخری فائٹ فرانس کے ابدور ماوو نے برازیل کے روڈریگو کو شکست دے کر جیتی۔


یہ بھی پڑھیں:  پاکستان میں مکسڈ مارشل آرٹس کے عالمی ایونٹس کرانے کے لیے سی ای او اے آر وائی سلمان اقبال کا 3 کمپنیوں کے ساتھ معاہدہ


بریو پاکستان کی تیسری فائٹ میں پاکستان کے حیدر فرمان کے زور دار مکوں نے فلپائنی فائٹر کو گھٹنےٹیکنے پر مجبور کر دیا۔

ایونٹ سے متعلق صوبائی وزیرِ بلدیات علیم خان نے کہا کہ مکسڈ مارشل آرٹس کے مقابلے کرانے پر سلمان اقبال اور اے آر وائی نیٹ ورک مبارک باد کے مستحق ہیں، جمنازیم میں موجود سیکڑوں نوجوانوں کا جوش دیکھ کر بہت خوشی ہوئی۔

علیم خان کا کہنا تھا کہ دیگر شہروں میں بھی ایسے انٹرنیشنل ایونٹس کا انعقاد کرائیں گے، پاکستان میں اتنے ممالک کے فائٹرز کا آنا قابل تحسین ہے۔

Comments

comments

یہ بھی پڑھیں