براسیلیا : جنوب مشرقی برازیل میں لوہے کی کان سے نکلنے والا مواد روکنے کیلئے بنایا گیا ڈیم ٹوٹ گیا، جس کے نتیجے میں سینکڑوں افراد لاپتا اور نو افراد ہلاک ہوگئے۔
غیر ملکی خبر رساں ادارے کا کہنا تھا کہ جمعے کے روز لوہے پر تعمیر ڈیم ٹونے کے باعث کیچڑ کے سمندر نے ڈیم کے کینٹین کو دفن کردیا، جہاں ملازمین کھانا تناول کررہے تھے۔
غیر ملکی خبر رساں ادارے کا کہنا ہے کہ برازیل کی ریاست میناس جیرائس میں متاثرہ علاقے برومڈینو میں ریسکیو عملہ بھاری مشینری کے ذریعے لاپتہ افراد کو تلاش کررہا ہے۔
صوبے کے گورنر رومیو زیما کا کہنا ہے کہ لاپتہ افراد کے زندہ برآمد ہونے امکانات انتہائی کم ہیں جبکہ نو افراد کے ہلاک ہونے کی تصدیق ہوچکی ہے۔
گورنر رومیو زیما کا کہنا ہے کہ جمعے کے روز 100 کے قریب فائر فایئٹر رسیکیو آپریشن میں شریک تھے جبکہ ہفتے کو مزید 100 ریسکیو اہلکار آپریشن میں شامل ہوئےہیں۔
غیر ملکی خبر رساں ادارے علاقے میں بڑے پیمانے پر تباہی پھیل گئی، متعدد مکانات گاڑیاں اور دیگر املاک بھی سیلابی ریلے کی زد میں آکر تباہ ہوگئی۔
برازیلن حکام کا کہنا ہے کہ لوہنے کی کان پر بنایا گیا ڈیم ٹوٹنے کی وجوہات تاحال معلوم نہیں ہوسکی ہیں۔
غیر ملکی خبر رساں ادارے کا کہنا تھا کہ ریاست میناس جیرائس میں تین سال قبل بھی ڈیم ٹوٹا تھا جس کے نتیجے میں 19 افراد زندگی کی بازی ہار گئے تھے۔
