The news is by your side.

Advertisement

برازیل: جیئر بولسونارو نے ملک کے نئے صدر کا حلف اٹھا لیا

براسیلیا: برازیل میں دائیں بازو کے سیاستدان جیئر بولسونارو نے ملک کے نئے صدر کا حلف اٹھا لیا۔

تفصیلات کے مطابق برازیل کے دارالحکومت براسیلیا میں حلف برداری کی تقریب ہوئی جہاں دائیں بازو کے سیاستدان جیئر بولسونارو نے ملک کے نئے صدر کا حلف اٹھایا۔

غیر ملکی خبر رساں ادارے کے مطابق عہدہ صدارت پر فائز ہونے کے بعد اپنی پہلی تقریر میں صدر جیئر نے ملک سے کرپشن اور جرائم کے خلاف کریک ڈاؤن کرنے کا اعلان کیا۔

انہوں نے اپنی تقریر میں برازیل میں آئین کی پاسداری کو یقینی بنانے کے عزم کا اظہار کیا، نئے صدر کا کہنا تھا کہ میں وعدہ کرتا ہوں ملکی ترقی کے لیے ایسے اقدامات کیے جائیں گے جو پہلے نہیں ہوئے۔

خیال رہے کہ چیئر بولسونارو نے چاہ ماہ قبل صدارتی انتخابات میں کامیابی کے لیے بھرپور مہم چلائی تھی، اس دوران ان پر جان لیوا حملہ بھی ہوا تھا۔

انہیں ایک ریلی کے دوران چھرے سے وار کرکے شدید زخمی کردیا گیا تھا، بعد ازاں اسپتال میں زندگی اور موت کی جنگ جیتنے کے بعد انہوں نے الیکشن میں بھی میدان مار لیا۔

واضح رہے کہ مخالف جماعت ’دی ورکر پارٹی‘ کی ملک میں بڑی عوامی سپورٹ حاصل تھی اور وہ چار بار صدارتی انتخابات بھی جیت چکی تھی تاہم گذشتہ سال اکتوبر سے برازیل میں انتشار کے باعث اس جماعت نے عوامی ووٹ کھو دیا۔

دوسری جانب امریکی صدر ڈونلڈ ٹرمپ نے نئے صدر کو مبارکباد دیتے ہوئے ان کی افتتاحی تقریر کی تعریف کی اور برازیل کو امریکا کے ساتھ کا یقین دلایا۔

Comments

comments

یہ بھی پڑھیں