The news is by your side.

Advertisement

برازیلین جڑواں بہنوں کے سر کو کامیاب آپریشن کے بعد علیحدہ کردیا گیا

برازیلیا: برازیل میں ڈاکٹروں نے کامیاب آپریشن کرتے ہوئے جڑواں بہنوں کے سر کو علیحدہ کردیا۔

ڈیلی میل کی رپورٹ کے مطابق دو سالہ یسابیلی اور یسا دورا کے سر پیدائشی طور پر جڑے ہوئے تھے، ڈاکٹرز نے کامیاب آپریشن کرتے ہوئے ان کے سر کو الگ کردیا ہے، ڈاکٹرز نے چار مرتبہ آپریشن کیا۔

دو سالہ بہنوں کی والدہ ڈیبورا کا کہنا ہے کہ وہ 18 ماہ سے بہت پریشان تھیں اور امید کرتی تھیں کہ ایک دن ان کی بیٹیاں نارمل زندگیاں گزار سکیں گی جو ممکن ہوگیا۔

مزید پڑھیں: یمن میں دھڑ جڑے بچے طبی امداد نہ ملنے پر جاں بحق

ڈیبورا نے کہا ہے کہ مجھے بے حد خوشی ہی کہ میری بیٹیاں نارمل زندگیاں گزار سکتی ہیں، انہوں نے ڈاکٹروں کے اس عمل کو جادو قرار دے دیا۔

کامیاب آپریشن کے بعد جڑواں بہنیں اپنی والدہ ڈیبورا اور ڈاکٹر میرسٹیلا برگامو کے ہمراہ

بچیوں کی اسکین رپورٹ میں بتایا گیا ہے کہ ان دونوں کے درمیان کچھ غیرمعمولی تھا، آپریشن کے دوران سر کے خون زیادہ بہہ رہا تھا جس کو انہوں نے ایک برتن میں جمع کیا اور پھر کامیاب آپریشن کے بعد بچیوں کو وارڈ میں منتقل کردیا۔

ڈیبورا کا کہنا تھا کہ مجھے یقین نہیں ہے کہ ان کا اسٹمگ چھوٹا ہے یا نہیں تاہم ڈاکٹرز نے انہیں کامیاب سرجری کے بعد صحت مند قرار دیا ہے۔

کامیاب آپریشن کے لیے بیرون ممالک سے بھی ڈاکٹرز کی مدد لی گئی، رپورٹ کے مطابق جڑواں بہنوں کا آپریشن گزشتہ سال نومبر میں کیا گیا تھا۔

واضح رہے کہ گزشتہ ماہ یمن میں خانہ جنگی کے باعث دھڑ جڑے بچوں کو علاج کی غرض سے بیرون ملک منتقل نہ کیا جاسکا تھا جس کے نتیجے میں وہ انتقال کرگئے تھے۔

Comments

comments

یہ بھی پڑھیں