مکہ مکرمہ (19 فروری 2026): سعودی النصر فٹبال کلب میں شامل برازیل کی خاتون فٹبالر کیتھلین سوزا نے اسلام قبول کرکے عمرہ ادا کر لیا۔
سعودی عرب کے برازیل سے تعلق رکھنے والی سعودی عرب کے فٹبال کلب النصر کی خاتون فٹبالر کیتھلین سوزا نے اسلامی تعلیمات سے متاثر اور حقانیت کا اعتراف کرتے ہوئے دائرہ اسلام میں داخل ہو گئیں۔
اسلام قبول کرنے کے بعد کیتھلین سوزا نے مسجد الحرام جا کر عمرہ بھی ادا کیا اور کعبۃ اللہ کے سامنے دعائیں مانگیں۔
اس حوالے سے النصر کلب نے کیتھلین سوزا کے قبول اسلام کا اعلان کیا اور اس فیصلے کا خیرمقدم کرتے ہوئے کلب میں جشن بھی منایا۔
النصر کلب نے اپنے آفیشل ایکس اکاؤنٹ سے ایک ویڈیو بھی پوسٹ کی ہے، جس میں کیتھلین سوزا کو قبول اسلام کے بعد اپنی ساتھی کھلاڑیوں سے ملتے اور خوشی مناتے دکھایا گیا ہے۔
نشارك لاعبتنا كاثلين سوزا لحظة مميزة في حياتها بإعلان إسلامها، سائلين الله لها الثبات، وأن يملأ قلبها طمأنينةً وسلامًا ️
We share a special moment in Kathleen Souza’s life as she embraces Islam, wishing her a heart filled with peace and serenity ️ pic.twitter.com/PJfsYVzrLA
— سيدات النصر | AlNassr Ladies (@AlNassrFCW) February 16, 2026
کلب نے ویڈیو پوسٹ کرتے ہوئے لکھا کہ ہم اپنی کھلاڑی کیتھلین سوزا کے ساتھ اس کی زندگی کا ایک خاص لمحہ شیئر کرتے ہیں۔ ہم خدا سے دعا گو ہیں کہ وہ اسے ثابت قدمی عطا فرمائے اور اس کے دل کو امن و سکون سے بھر دے۔
ویڈیو کے دوران برازیلین کھلاڑی اپنے آنسو نہ روک سکی اور اپنے جذبات کا اظہار کرتے ہوئے کہا کہ میں بس صرف صحیح راستہ تلاش کرنا چاہتی تھی اور اپنی شخصیت کا بہتر روپ اختیار کرنا چاہتی تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں