The news is by your side.

Advertisement

برازیل کے کاکا اور پرتگال کے لوئس فیگو کراچی پہنچ گئے

کراچی: عالمی شہرت یافتہ 4 سابق انٹرنیشنل فٹبالرز کراچی پہنچ گئے، جن میں دنیائے فٹ بال کے دو بڑے سابق پلئیرز برازیل کے کاکا اور پرتگال کے لوئس فیگو بھی شامل ہیں۔

تفصیلات کے مطابق چار عالمی شہرت یافتہ سابق بڑے فٹ بالر اسپین کے کارلیس پیوئل، فرانس کے نکولس انیلکا، برازیل کے ریکارڈو کاکا اور پرتگال کے لوئس فیگو پاکستان پہنچ گئے ہیں۔

یہ فٹ بالرز آج دوپہر میں پریس کانفرنس کے بعد نمایشی میچ میں شرکت کریں گے، میچ ورلڈ ساکر اسٹارز اور ایف سی کراچی کے درمیان راحت اسٹیڈیم میں ہوگا، انٹرنیشنل فٹ بالرز اتوار کو لاہور میں بھی ایک نمایشی میچ کھیلیں گے۔

قبل ازیں، عالمی سطح پر مشہور فٹ بالرز کا شہر قائد کے جناح انٹرنیشنل ایئرپورٹ پہنچنے پر استقبال کیا گیا، سابق پلئیرز کو اجرک پہنائی گئی۔

یہ بھی پڑھیں:  پاکستانی فٹبالر ہاجرہ خان نے گنیز ورلڈ ریکارڈ اپنے نام کرلیا

خیال رہے کہ انٹرنیشنل فٹ بالرز کی پاکستان آمد کا مقصد ملک میں فٹ بال کے کھیل کا فروغ ہے، اس سے قبل بھی عالمی شہرت یافتہ فٹ بالرز پاکستان کے دورے پر آ چکے ہیں۔

پاکستانی فٹ بال پلیئرز کے حوالے سے آپ کو یہ جان کر حیرت ہوگی کہ خاتون فٹ بالر ہاجرہ خان جو پاک ویمن فٹبال ٹیم کی کپتان بھی ہیں، کا نام گنیز ورلڈ ریکارڈز میں شامل کیا جا چکا ہے، ہاجرہ نے دنیا کے طویل ترین فٹ بال میچ میں حصہ لیا تھا جو 69 گھنٹوں تک جاری رہا، ہاجرہ نے اس میچ میں پاکستان کی نمایندگی کی۔

یہ میچ فرانس میں ایکول پلیئنگ فیلڈ کی جانب سے کھیلا گیا جس میں 51 ممالک کی 807 خواتین کھلاڑیوں نے شرکت کی۔

fb-share-icon0
Tweet 20

Comments

comments

یہ بھی پڑھیں