The news is by your side.

Advertisement

اداکار پر ایمازون کے جنگلات کی آگ کا الزام

برازیلا: برازیل کے صدر نے جنگلات میں لگنے والی آگ کا ذمہ دار ہالی ووڈ ہیرو لیونارڈوڈی کیپریو کو قرار دے دیا۔

غیرملکی خبررساں ادارے کی رپورٹ کے مطابق برازیل کے صدر یائل بول سونا رونے نے دعویٰ کیا کہ ایمازون کے جنگلات میں آگ لگانے کے لیے لیونارڈوڈی سے فنڈز حاصل کیے گئے۔

برازیلی صدر نے ماحولیات کے لیے کام کرنے والی بین الاقوامی تنظیم ڈبلیو ڈبلیو ایف پر الزام عائد کرتے ہوئے کہا کہ ’آگ پر قابو پانے کے اقدامات نہیں کیے گئے بلکہ ڈبلیو ڈبلیو ایف نے فائر فائٹرز کا فوٹو شوٹ کیا اور پھر وہ تصاویر ہالی ووڈ اداکار کو دکھا کر رقم حاصل کی‘۔

مزید پڑھیں: ایمازون کے جنگلات میں سیکڑوں مقامات پر آگ بھڑک اٹھی

یہ بھی پڑھیں: ایمازون جنگل کی ہولناک آتشزدگی میں طویل ترین درخت کیسے محفوظ رہے؟

برازیل کے صدر اپنے دعوے کا کوئی ثبوت پیش نہیں کرسکے، دوسری جانب ڈبلیو ڈبلیو ایف نے برازیلی صدر کی جانب سے عائد کیے جانے والے الزام کی سختی سے تردید کرتے ہوئےکہا کہ نہ فائرفائٹرزسےتصاویرلیں اورنہ ہی ڈی کپیریوسےچندہ لیا۔

یاد رہے کہ رواں برس اگست میں برازیل کے شمالی حصے میں واقع وسیع و عریض ایمازون کے جنگلات میں سیکڑوں مقامات پر  اچانک آگ بھڑک اٹھی تھی جس پر کئی روز کی جدوجہد کے بعد قابو پایا گیا تھا۔

fb-share-icon0
Tweet 20

Comments

comments

یہ بھی پڑھیں