The news is by your side.

Advertisement

سیل فون پتھر سے توڑنے کی کوشش کا ڈرا دینے والا انجام (ویڈیو)

سوشل میڈیا پر وائرل ہونے کے لیے ٹک ٹاک، انسٹاگرام ریلز، اور یوٹیوب شارٹس کے دیوانے نوجوان عجیب و غریب اور کبھی کبھار نہایت خطرناک ویڈیوز بنانے سے بھی نہیں کتراتے، کبھی کبھی ویڈیو بنواتے ہوئے عجیب واقعات بھی رونما ہو جاتے ہیں۔

پڑوسی ملک بھارت میں ایسا ہی ایک واقعہ اس وقت پیش آیا جب ایک نوجوان نے انسٹاگرام ویڈیو کے لیے اپنے اچھے بھلے چلنے والے سیل فون کو پتھر سے توڑنے کی کوشش کی۔

اس واقعے کی ویڈیول سوشل میڈیا پر وائرل ہو رہی ہے، یہ ویڈیو انسٹاگرام پر giedde نامی صارف نے شیئر کی، اس میں ایک لڑکا اپنا Xiaomi اسمارٹ فون تباہ کرنے کی کوشش کرتا دکھائی دیتا ہے۔

ویڈیو کے مطابق لڑکے نے پہلے اپنے سیل فون کو چلاتے ہوئے دکھایا، اور یہ بتانے کی کوشش کی کہ موبائل بالکل ٹھیک کام کر رہا ہے۔

 

View this post on Instagram

 

A post shared by GiDDa CoMpAnY (@giedde)

اس کے بعد لڑکے نے اپنا موبائل فون ایک پتھر پر رکھا، اور پھر دوسرے پتھر سے اس کے اسکرین پر ضرب لگائی، جس سے شیشے پر گہرا نشان پڑ گیا۔

لیکن جیسے ہی لڑکے نے سیل فون کے اسکرین پر پتھر سے دوسری ضرب لگائی، ایک ان ہونی ہو گئی، اور لڑکا ڈر کر اچھلا اور پیچھے ہٹ گیا، دراصل دوسری ضرب کے بعد چند ہی لمحے گزرے ہوں گے کہ موبائل فون کے کناروں سے تیز دھواں نکلنے لگا، جس نے لڑکے کو ڈرا دیا، بعد ازاں فون میں آگ بھی لگ گئی۔

Comments

یہ بھی پڑھیں