The news is by your side.

Advertisement

بریگزٹ معاہدہ: برطانوی وزیراعظم نےاراکین پارلیمنٹ کومنانےکےلیے2 ہفتے کی مدت طے کرلی

لندن: برطانوی وزیراعظم تھریسامے کا کہنا ہے کہ اراکین پارلیمنٹ کو بریگزٹ معاہدے سے متعلق ملکی مفادات کا خیال رکھنا چاہیے۔

تفصیلات کے مطابق برطانوی وزیراعظم تھریسامے نے اراکین پارلیمنٹ کومنانے کے لیے 2 ہفتے کی مدت طے کرلی۔

تھریسامے نے پارلیمنٹ میں خطاب کے دوران اراکین پارلیمنٹ سے درخواست کی کہ بریگزٹ معاہدے پر ملکی مفادات کا خیال رکھیں۔

دوسری جانب برطانوی وزیراعظم کو امریکی صدر ڈونلڈ ٹرمپ کے بیان سے دھچکا لگا ہے جس میں انہوں نے کہا کہ بریگزٹ معاہدہ یورپی یونین کے لیے ایک بڑا معاہدہ ہوگا جس کے مطابق برطانیہ امریکا سے تجارت نہیں کرسکے گا۔

یاد رہے کہ دو روز قبل برطانیہ اور یورپی یونین کے درمیان علیحدگی کے لیے تیار کردہ بریگزٹ معاہدے کا مسودہ یورپی یونین کے سربراہی اجلاس میں منظورکرلیا گیا تھا، اسپین نے معاہدے کی مخالفت کی تھی۔

یورپی سربراہی اجلاس میں بریگزٹ معاہدے کی منظوری


یورپی یونین کے سربراہی اجلاس میں اسپین کے آخری لمحات میں کارروائی سے باہر ہونے کے بعد تمام رکن ممالک نے معاہدے پر دستخط کیے تھے۔

بریگزٹ پلان سے یورپی تارکین وطن کی آمد رک جائے گی، تھریسامے

واضح رہے کہ گزشتہ ہفتے 20 نومبر کو برطانوی وزیراعظم تھریسامے کا کہنا تھا کہ بریگزٹ پلان سے یورپی تارکین وطن کی آمد کا سلسلہ رک جائےگا۔

Comments

comments

یہ بھی پڑھیں