The news is by your side.

Advertisement

برائن لارا بھارت کے اسپتال میں داخل

ممبئی: بھارت میں موجود ویسٹ انڈیز کرکٹ ٹیم کے سابق کپتان اور لیجنڈ کرکٹر برائن لارا کو سینے میں تکلیف کے بعد اسپتال منتقل کردیا گیا۔

تفصیلات کے مطابق ورلڈکپ 2019 کے میچز پر بھارتی ٹی وی چینلز پر تبصرے کرنے کے لیے ممبئی جانے والے کرکٹر کے اچانک سینے میں تکلیف ہوئی جس کے بعد انہیں اسپتال منتقل کیاگیا۔

ڈاکٹرز نے انہیں انتہائی نگہداشت وارڈ میں داخل کر کے ٹیسٹ کروائے جن کی رپورٹس کلیئر آئی ہیں۔ برطانوی میڈیا رپورٹ کے مطابق اسپتال انتظامیہ طبیبوں سے مشورے کے بعد انہیں مزید داخل رکھنے یا چھٹی دینے کا فیصلہ کرے گی۔

مزید پڑھیں: وہاب ریاض کی بولنگ پردل ہارگیا، برائن لارا

ویسٹ انڈیز کرکٹ بورڈ نے برائن لارا کی طبیعت خراب ہونے کی تصدیق کرتے ہوئے اُن کی جلد صحت یابی کی دعا بھی کی اور مداحوں سے بھی انہیں دعاؤں میں یاد رکھنے کی استدعا کی۔

برائن لارا کی خدمات

پچاس سالہ کرکٹر نے ٹیسٹ اور ون ڈے میچز میں ریکارڈز قائم کیے،  انہوں نے اپنے کیریئر کے دوران 131 ٹیسٹ میچز کھیلے اور 11 ہزار 953 رنز اسکور کیے جبکہ انہوں نے 2008 میں سچن ٹنڈولکر کا ریکارڈ توڑتے ہوئے 299 ون ڈے انٹرنیشنل میچز میں 10 ہزار 405 رنز بنانے کا اعزاز بھی حاصل کیا۔

انہوں نے 1994 میں انگلینڈ کے خلاف کھیلتے ہوئے 400 رنز ناٹ آؤٹ اننگز  کھیل کر ریکارڈ بنایا تھا۔ لارا نے نومبر 1990 سے اپریل 2007 تک کرکٹ کے میدان میں رنگ جمائے انہوں نے ٹیسٹ میچز میں 34 میں 19 سنچریاں اسکور کیں۔

Comments

comments

یہ بھی پڑھیں