آپ نے اب تک کئی شادیوں میں شرکت کی ہوگی، جس میں دلہن کو کبھی اتنا خوش نہیں دیکھا ہوگا جتنی انٹرنیٹ پر شیئر ہونے والی ویڈیو کی دلہن نظر آرہی ہے۔
لڑکیوں کو اپنی شادی کی خوشی تو ہوتی ہی ہے مگر گھر والوں سے جدائی کا سوچ کر اُن کا دل بھر آتا ہے، جس کی وجہ سے وہ رخصتی کے وقت اُن کی آنکھیں کم از کم نم تو ہو ہی جاتی ہیں۔
کلکتہ سے تعلق رکھنے والی اسنیہا سنگھ نے اپنی رخصتی کے موقع پر ایسا کام کیا جسے دیکھ کر صارفین اُسے اپنی شادی پر سب سے زیادہ خوش ہونے والی دلہن قرار دے رہے ہیں۔
بھارتی میڈیا رپورٹ کے مطابق اسنیہا اور سوگات کی شادی گزشتہ ماہ ہوئی، جس کی رخصتی کی ویڈیو چند روز قبل انسٹاگرام پر شیئر ہوئی۔
View this post on Instagram
اس ویڈیو میں دیکھا جاسکتا ہے کہ رخصتی کے موقع پر دلہن نے ڈرائیونگ سیٹ پر بیٹھی اور دوسری سیٹ دلہا کو بیٹھا کر گاڑی خود چلا کر گھر لے کر گئی۔
وہاں موجود مہمانوں نے دلہن کو کہا کہ شرارہ بہت بھاری ہے تم گاڑی نہیں چلا سکو گی مگراسنیہا نے ایک نہیں سنی اور پراعتماد انداز سے گاڑی میں بیٹھ کر اسے ڈرائیو کیا۔
View this post on Instagram
رپورٹ کے مطابق دلہن گاڑی تیز رفتاری کے ساتھ چلاتی ہوئی دلہا کے گھر پہنچی۔ اسنیہا نے بتایا کہ وہ اپنی شادی پر کچھ منفرد کرنا چاہتی تھی اس لیے رخصتی کے وقت گاڑی خود چلانے کا فیصلہ کیا۔