شادی کی تقریب میں دلہن دلہا کو خوش کرنے کے لیے اُن کے دوستوں اور قریبی رشتے داروں میں سے کچھ نوجوان ڈانس کرتے ہیں۔
عام طور پر ڈانس کے لیے رومانوی گانوں کا انتخاب کیا جاتا ہے البتہ کچھ نوجوان تیز گانوں پر بریک ڈانس بھی کرتے ہیں۔
نیوزی لینڈ میں ہونے والی شادی کے دوران مہمانوں نے دلہن اور دلہا کے لیے انوکھا ڈانس کیا۔
رپورٹ کے مطابق دلہن عالیہ اور دلہا بینجمن کی شادی کی تقریب جاری تھی کہ اسی دوران نوجوانوں کا ایک گروپ کھڑا ہوا اور اُس نے دلہن دلہا کو سرپرائز دیا۔
Bride is brought to tears as wedding guests perform a moving haka dance pic.twitter.com/vvv6WXMz2i
— The Sun (@TheSun) February 15, 2020
نوجوانوں کے اس گروپ نے ’ہاکا‘ ڈانس کیا۔ جنگجوؤں سے متاثر دلہن ڈانس دیکھ کر جذبات پر قابو نہ رکھ سکی اور زارو قطار رونے لگی۔ ڈانس ختم ہونے کے بعد نوجوانوں نے دلہا سے جنگجوؤں کی طرح ناک سے ناک ملا کر ملاقات کی اور اُسے شادی کی مبارک باد دی۔
ہاکا ڈانس کیا ہے؟
ہاکا ڈانس دراصل قبائلی جنگوں میں کیا جاتا تھا، جنگ شروع ہونے سے قبل دشمن پر دھاک بٹھانے کے لیے جنگجو میدان میں اتر کر حریف کو للکارتے اور اس انداز سے ڈانس کرکے خود کی برتری ظاہر کرتے تھے۔