The news is by your side.

دولہا ہے یا چلتا پھرتا بینک، 23 لاکھ کے نوٹوں سے بنا ہار پہن لیا! حیران کن ویڈیو

شادی بیاہ کی تقریبات میں لوگ اپنی تمام خواہشات پوری کرتے ہیں سیالکوٹ میں ایک دولہا نے 23 لاکھ کے نوٹوں سے بنا کئی میٹر طویل ہار پہن کر سب کو حیران کردیا۔

شادی بیاہ کی تقریبات میں ہر شخص اپنے ارمان اپنی بساط کے مطابق پورے کرنے کی کوشش کرتا ہے بعض اوقات اس حوالے سے کچھ انہونی اور دلچسپ ویڈیو سامنے آتی رہتی ہیں جیسا کہ پاکستان کے شہر سیالکوٹ سے یہ ویڈیو وائرل ہوئی ہے۔

سوشل میڈیا پر وائرل اس ویڈیو میں دیکھا جا سکتا ہے کہ سیالکوٹی دولہنے نے ایک کئی میٹر طویل کرنسی نوٹوں سے بنا ہار پہن رکھا ہے جس پر اطلاعات کے مطابق 23 لاکھ مالیت کے پاکستانی کرنسی نوٹ لگے ہوئے تھے۔

یہ ہار اتنا لمبا تھا کہ اس کو سنبھالنے کے لیے دولہا کے کئی دوستوں اور رشتے داروں نے ہار کو پکڑ رکھا تھا۔ اسٹیج پر پہنچنے کے بعد شادی میں شریک کئی لوگوں نے اس دلچسپ منظر کو اپنے موبائل فون سے فلمبند بھی کیا۔

 

سوشل میڈیا پر یہ دلچسپ ویڈیو وائرل ہوئی تو دیکھنے والے بھی حیران رہ گئے اور اس پر دلچسپ تبصرے شروع کر دیے۔

کسی نے کہا کہ شوق کا کوئی مول نہیں تو کسی نے دولہا کو چلتا پھرتا بینک قرار دے دیا۔

Comments

یہ بھی پڑھیں