The news is by your side.

Advertisement

سعودی عرب اور بحرین کو جوڑنے والا پل موٹرسائیکلوں کے لیے کھل گیا

ریاض: سعودی عرب اور بحرین کو جوڑنے والے کنگ فہد پل کو یکم جنوری سے موٹرسائیکل سواروں کے لیے کھولا جا رہا ہے، دونوں ملکوں کے متعلقہ اداروں نے منظوری دے دی ہے۔

تفصیلات کے مطابق سعودی عرب اور بحرین کو جوڑنے والے کنگ فہد پل کو یکم جنوری 2020 سے موٹرسائیکل سواروں کے لیے کھولا جائے گا۔ فیس 25 ریال مقرر کی گئی ہے، بحرینی کرنسی میں دھائی دینار ایک طرف سے لیے جائیں گے۔

کنگ فہد پل جنرل کارپوریشن کے ایگزیکٹیو چیئرمین عماد المحیسن نے بتایا کہ دونوں ملکوں کے متعلقہ اداروں نے پل کے ذریعے آمدورفت کی اجازت دے دی ہے

انہوں نے کہا کہ موٹرسائیکل سوار کے پاس لائسنس اور دونوں ملکوں میں رائج قوانین وضوابط کے مطابق نمبر پلیٹس نصب ہوں۔ موٹرسائیکل سوار روزانہ آجاسکیں گے تاہم موسم خراب ہونے کی صورت میں عارضی طور پر پابندی لگائی جاسکتی ہے۔

عماد المحیسن کا کہنا تھا کہ کہ موٹرسائیکل ڈرائیوروں کی امیگریشن کی کارروائی کے لیے باقاعدہ ایک لائن متعین کر دی گئی ہے۔ ان کا کہنا تھا کہ موٹرسائیکل سوار مناسب لباس اور ہیلمٹ کا استعمال کریں۔

Comments

یہ بھی پڑھیں