(13 فروری 2026): برطانیہ نے یوکرین کے لیے 200 ملین ڈالر کی نئی فوجی امداد کا اعلان کیا ہے۔
نیٹو وزرائے خارجہ کے اجلاس کے موقع پر برطانیہ نے یوکرین کے لیے 200 ملین ڈالر کی نئی فوجی امداد کا وعدہ کیا ہے۔ برطانوی وزیرِ دفاع نے واضح کیا ہے کہ یہ امدادی رقم یوکرین کو امریکی ہتھیاروں کی خریداری میں مدد فراہم کرے گی۔
برطانوی وزیرِ دفاع نے اتحادیوں اور شراکت داروں پر زور دیا کہ روس پر اقتصادی پابندیوں کے دباؤ کو مزید بڑھایا جائے۔
دوسری جانب، امریکی وزیرِ خارجہ مارکو روبیو یوکرینی صدر ولودیمیر زیلنسکی سے اہم ملاقات کے لیے میونخ روانہ ہو گئے ہیں۔
میڈیا سے گفتگو کرتے ہوئے مارکو روبیو نے یوکرین پر جاری روسی حملوں پر افسوس کا اظہار کیا اور کہا کہ وہ جنگ کا خاتمہ چاہتے ہیں کیونکہ وہاں کے لوگ بہت زیادہ تکلیف اور مشکلات کا شکار ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں