The news is by your side.

Advertisement

برطانیہ کا وکی لیکس کے بانی کو امریکا کے حوالے کرنیکا فیصلہ

برطانیہ نے اپنے ملک میں 3 سال سے قید وکی لیکس کے بانی جولین اسانج کو امریکا کے حوالے کرنے کا فیصلہ کرلیا ہے۔

اے آر وائی نیوز کے مطابق برطانیہ نے اپنے ملک میں قید وکی لیکس کے بانی جولین اسانج کو امریکا کے حوالے کرنے کا فیصلہ کیا ہے، اس سلسلے میں برطانوی سیکریٹری داخلہ پریتی پٹیل نے جولین اسانج کی حوالگی کی منظوری دے دی ہے۔

برطانوی سیکریٹری داخلہ کے مطابق جولین اسانج کے پاس اس فیصلے کے خلاف اپیل کیلئے 14 دن کا وقت ہے۔

یاد رہے کہ جولین اسانج 10 -2011 میں دستاویز لیک کرنے کے الزام میں امریکا کو مطلوب ہے، جولین اسانج ہلیری کلنٹن سے متعلق خفیہ دستاویزات کو منظر عام پر لائے تھے جس میں امریکی مالیاتی ادارہ گولڈ مین ساکس کیلئے ہیلیری کلنٹن کی تین تقاریر کے مسودات شائع کئے تھے۔

جولین آسانج 2012 سے لندن میں جنوبی امریکا کے ملک ایکواڈور کے سفارت خانہ میں قیام پذیر تھے اور برطانیہ کی جانب سے وکی لیکس کے بانی کو سفارتی درجہ دینے کی درخواست مسترد کرنے کے بعد 12 دسمبر 2017 کو انہیں ایکواڈور نے اپنے ملک کی شہریت دے کر پاسپورٹ جاری کیا تھا۔

تاہم 2 سال بعد اپریل 2019 میں برطانیہ کے دارالحکومت لندن میں میٹروپولیٹن پولیس نے کارروائی کرتے ہوئے وکی جولین اسانج کو خواتین سے زیادتی کے الزام میں گرفتار کرلیا۔ برطانوی پولیس نے جولین کو سیاسی پناہ گزین ہونے کا درجہ ختم ہونے کے بعد ایکواڈور کے سفارت خانے سے گرفتار کیا گیا تھا۔

یکم مئی 2019 کو برطانوی عدالت نے وکی لیکس کے شریک بانی جولین اسانج کو ضمانت کی شرائط کی خلاف ورزی کرنے پر 50 ہفتے قید کی سزا سنا دی جب کہ 25 مئی کو امریکی وزارت انصاف نے وکی لیکس ویب سائٹ کے بانی جولیان اسانج پر اٹھارہ الزامات کی فرد جرم عائد کی تھی جس میں جاسوسی کے قانون کی خلاف ورزی کرنے کا الزام بھی شامل تھا۔

وکی لیکس کے بانی جولین اسانج نے رواں سال ہی دوران قید جیل میں اپنی گرل فرینڈ سے شادی کی تھی۔

غیر ملکی میڈیا کے مطابق جولین اسانج اور اسٹیلا مورس کی شادی کے لیے سخت سکیورٹی والے جیل میں مختصر تقریب کا انعقاد کیا گیا جس میں جیل کے دو حکام اور دو محافظوں نے شرکت کی۔

وکی لیکس کے بانی جولین اسانج کی جیل میں شادی، تصاویر وائرل

اسٹیلا مورس نے جیل کے باہر شادی کا کیک کاٹا اور میڈیا سے گفتگو کرتے ہوئے کہا کہ میں بیک وقت بہت خوش ہوں اور اداس بھی، میں جولین سے سچے دن سے محبت کرتی ہوں، کاش وہ اس وقت گفتگو کے دوران میں ساتھ کھڑے ہوتے۔

Comments

یہ بھی پڑھیں