site
stats
عالمی خبریں

لندن: داعش کے حمایتی مبلغ انجم چودھری کو ساڑھے 5 سال قید کی سزا

لندن : برطانیہ میں داعش کی حمایت کرنے والے مبلغ انجم چودھری اور انکے ساتھی میزان الرحمان کو عدالت نے ساڑھے پانچ سال قید کی سزا سنا دی۔

anjum-2

دہشتگرد تنظیم داعش سے آن لائن وفاداری کا حلف اٹھانے والے اننچاس سالہ انجم چودھری کو ساڑھے پانچ سال قید کی سزا سنادی، پولیس کا کہنا ہے کہ مبلغ انجم چودھری کے پیروکاروں نے برطانیہ اور دیگرممالک میں حملے کیے ہیں جبکہ عدالت نے انجم چودھری کے ساتھ انکے ساتھی میزان الرحمٰن کو بھی ساڑھے پانچ برس ہی کی سزائے قید سنائی گئی ہے۔

anjum

انچاس سالہ انجم چوہدری اور ان کے قریبی شریک کار تینتیس سالہ محمد میزان الرحمان پر الزام تھا کہ انہوں نے سوشل میڈیا پر سلسلہ وار ایسی تقاریر پوسٹ کی تھیں، جن میں مسلمانوں کو دہشتگرد تنظیم داعش کی حمایت کی دعوت دی گئی تھی۔

ajnum-3

عدالت میں دونوں ملزمان کی وہ تقاریر بھی سنائی گئیں جن میں انھوں نے لوگوں کو دولتِ اسلامیہ کی حمایت پر اکسانے کی کوشش کی۔

یاد رہے کہ لندن کے نواحی علاقے الفرڈ سے تعلق رکھنے والے انجم اور انکے ساتھی میزان کو گزشتہ ماہ دہشت گردی ایکٹ کی شق بارہ کی خلاف ورزی کرنے پر مجرم قرار دیا گیا تھا جبکہ انجم چودھری کے ساتھ انکے ساتھی میزان الرحمٰن پر جیوری کی جانب سے فرد جرم جولائی میں عائد کی گئی تھی۔

واضح رہے کہ انجم چوہدری برطانیہ میں اسلام فور یوکے یا ’المہاجرون ‘ کے نام سے ایک تنظیم کے سربراہ بھی رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top