The news is by your side.

Advertisement

‘برطانیہ افغان حکومت سے تعلقات پر تیار، عالمی برداری بھی آگے بڑھے’

افغان وزیر خارجہ مولوی امیر خان متقی سے برطانوی سفیر ہیوگی شارٹر نے وفد کے ہمراہ ملاقات کی ہے۔

برطانوی سفیر ہیوگی شارٹر نے کابل پہنچنے پر خوشی کا اظہار کرتے ہوئے کہا ہے کہ جنگ کا خاتمہ ہوچکا ہے امن قائم ہے معمولات زندگی بحال ہیں۔ تعلیمی ادارے کھل چکے ہیں یہ سب اطمینان بخش صورتحال ہے۔

ان کا کہنا تھا برطانوی وزیر اعظم نے انہیں ہدایت کی ہے کہ نئی افغان حکومت کے ساتھ بہتر تعلقات قائم کیے جائیں بہتر تعلقات اور انسانی امداد میں پیش رفت کی جائے گی بینک اور خصوصی سیکٹر کی ترقی کے لیے افغان حکومت کے ساتھ خصوصی تعاون کیا جائے گا۔

برطانوی وفد نے کہا ہم خود بھی تیار ہیں اور عالمی برادری کو بھی دعوت دیتے ہیں کہ نئی افغان حکومت سے اقتصادی طور پر تعاون کریں اور ہم افغان حکومت کو بھی کہتے ہیں کاروبار اور سرمایہ کاری کے لیے ماحول سازگار بنائیں۔

وفد نے بیرونی گروہوں کی سرگرمیوں کے حوالے سے خدشات کا اظہار کیا جس پر امیر خان متقی نے انہیں اطمینان دلایا کہ افغان سرمین کسی ملک کے خلاف استعمال نہیں ہوگی نہ کسی گروپ کو یہاں ایسی کسی سرگرمی کی اجازت دی جائے گی کچھ مخصوص میڈیا ذرائع اس حوالے سے غلط فہمیاں پیدا کرنے کے لیے غلط معلومات پھیلاتے ہیں تاکہ بڑی سطح پر بداعتمادی پیدا کی جائے۔

امیرخان متقی نےانسانی امداد اور تعلیمی شعبے میں تعاون کو خوش آمدید کہا۔

ملاقات کے آخر میں اس طرح کی ملاقاتوں کا سلسلہ مزید آگے بڑھانے کا فیصلہ کیا گیا تاکہ افہام و تفہیم کا سلسلہ قائم رہے اور تعلقات میں اضافہ ہو۔

Comments

یہ بھی پڑھیں