لندن: برطانوی وزیراعظم ڈیوڈ کیمرون نے کنگ سے متاثرہ 20 ہزار شامی شہریوں کو پانچ سال کے لئے برطانیہ میں پناہ دینے کا اعلان کردیا۔
تفصیلات کے مطابق ڈیوڈ کیمرون نے ہاوٗس آف کامن میں تقریر کرتے ہوئے کہا کہ اس قدم کے ذریعے ہم دنیا پر ثابت کریں گے ہمارا ملک ہمیشہ ضرورت مندوں کی مدد کے لئے سرگرم رہتا ہے۔
انہوں نے مزید کہا کہ برطانیہ اردن، لبنان، اور ترکی کے مہاجر کیمپوں میں مقیم افراد کو اپنے ہاں پناہ دینے کا سلسلہ جاری رکھے گا۔
ان کا کہنا تھا کہ اس سے مہاجرین کو برطانیہ تک آنے کا محفوظ راستہ ملے گا بنسبت اسکے کہ وہ یورپ کے خطرناک راستوں پر سفر کریں۔
مہاجرین کو پہلے سال برطانیہ کے غیر ملکی امداد کے بجٹ سے گزر اوقات کے لئے خرچہ دیا جائے گا۔
Comments
- Advertisement -
