لندن: شامی پناہ گزین بچےایلان کی موت ہم وطنوں کےلیےزندگی کاپیغام بن گئی اور برطانیہ سمیت کئی یورپی ملکوں نے شامی پناہ گزینوں کیلئے اپنے دروازے کھول دئیے ہیں۔
تفصیلات کے مطابق برطانیہ نےشامی تارکین وطن کیلئے اپنے دروازے کھول دئیے ہیں۔ برطانوی وزیراعظم ڈیوڈ کیمرون نے کہا ہے کہ ہزاروں شامی تارکین برطانیہ آکرپناہ گزین کیمپوں میں رہ سکتے ہیں۔
برطانوی وزیر اعظم نے ابھی یہ اعلان نہیں کیا کہ برطانیہ شام سے آنے والے کتنے پناہ گزینوں کی مہمانداری کرے گا، انکا کہنا تھا کہ صحیح تعداد کا اعلان آئندہ ہفتے تک کیا جاسکتا ہے۔
جرمنی نے بھی بڑی تعداد میں شامی پناہ گزینوں کو اپنی سرزمین پر پناہ دینے کے لئے آمادگی ظاہر کردی ہے۔
تاہم کئی یورپی ممالک شامی پناگزینوں کو پناہ دینے کے لئے تیارنہیں ہیں بلکہ ہنگری کے وزیراعظم یہاں تک کہہ چکے ہیں کہ مسلمان پناہ گزینوں سے یورپی براعظم کی عیسائی آبادیوں کو خطرہ ہے لہذا وہ اپنے ملک میں بڑی تعداد میں مسلمان نہیں چاہتے۔
دوسری جانب مصر کے تاجر نے شامی مہاجرین کیلئے جزیرہ خریدنے کا اعلان کردیا ہے۔ نقیب سوارس نے اٹلی اور یونان سے جزیرہ فروخت کرنے کی درخواست کی ہے جہاں مہاجرین نئی زندگی بسرکرسکیں گے۔
