برمنگھم : ملکہ برطانیہ کی پلاٹینم جوبلی تقریبات کا آغاز کل دو جون سے ہوگا، برطانوی شہری رواں ہفتے ملکہ الزبتھ دوئم کے اقتدار کے 70 برس پورے ہونے کا جشن منانے کیلئے پُرجوش ہیں۔
غیر ملکی خبر رساں ادارے کی رپورٹ کے مطابق ملکہ برطانیہ کی پلاٹینم جوبلی کے جشن کی تقریبات میں دس سے زائد ممالک کے نمائندے بھی شامل ہوں گے، جن ممالک کے اپنے 70 سالہ دورہ اقتدار میں ملکہ برطانیہ نے سرکاری دورے کیے۔
رپورٹ میں بتایا گیا ہے کہ اس جشن میں اداکار، فنکار، 500 گھوڑے اور ایک ہزار سے زائد مزید افراد شامل ہوں گے جو کہ رقص، موسیقی اور دیگر تقریبات میں حصّہ لیں گے۔
پلاٹینم جوبلی کا جشن 90 منٹ کی فوجی پریڈ، موسیقی اور گھوڑوں سے محبت کرنے والی ملکہ برطانیہ کے سامنے گھڑ سواری کے شاندار براہ راست نشریاتی شو کے ساتھ اختتام پذیر ہوگا۔
For seven decades, the Queen has regularly attended @UKParliament for #StateOpening, marking the formal start of the parliamentary year.
To celebrate the Queen’s #PlatinumJubilee, we are sharing historic footage from State Openings across Her Majesty’s reign in our new film.
— House of Lords (@UKHouseofLords) May 31, 2022
خیال رہے کہ ملکہ الزبیتھ دوئم کا 70 سالہ دورِ تاج برطانیہ کی تاریخ کا سب سے طویل ترین اقتدار کا دور ہے جس کا آغاز 6 فروری 1952ء کو ملکہ کے والد برطانوی بادشاہ جارج ششم کی وفات کے بعد ہوا تھا۔
برطانوی اخبار سن کے رواں ہفتے لیے گئے ایک جائزے کے مطابق ملکہ برطانیہ کی اپروول ریٹنگ91.7 ہے۔ البتہ شہزادہ چارلس کے لیے یہ 67.5 فیصد جب کہ ان کے بیٹے شہزادہ ولیم کے لیے 87.4 فیصد ہے۔
The Prime Minister’s message ahead of Her Majesty The Queen’s #PlatinumJubilee celebrations next weekend. pic.twitter.com/hpT033peBL
— UK Prime Minister (@10DowningStreet) May 29, 2022
ملکہ برطانیہ اپنے اقتدار کے دوران متعدد خاندانی مسائل سے نبردآزما رہیں، ان کے صاحبزادے شہزادہ چارلس کی شہزادی ڈیانا سے علیحدگی اور گزشتہ برس شوہر شہزادہ فلپ کا 99 برس کی عمر میں انتقال ان مسائل میں نمایاں رہے۔ اسی دوران بادشاہت میں متعدد جدتیں متعارف کرائی گئیں۔
شاہی خاندان کے افراد میں سے وہی ان تقریبات میں شریک ہوں گے جو اس وقت فیملی کا حصہ ہیں۔ خودساختہ جلاوطنی اختیار کیے ہوئے شہزادہ ہیری اور ان کی امریکی اہلیہ میگھن سمیت ملکہ کے دوسرے بیٹے شہزادہ اینڈیو تقریبات میں موجود نہیں ہوں گے۔